Code in the Dark

29 Ապր 2018
Buro

Մրցույթը հաքաթոնի ֆորմատի սպորտային տարբերակն է
Գրանցվել

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

OutChat

Ծանոթանալ եւ հանդիպել 24 ժամ անց

Calculator (APPA)

Հաշվել ԱՊՊԱ-ի հետ կապված ծախսերը

Be Armenian

Հայկական թեմաներով հայալեզու ֆոներ եւ բացիկներ

Servicebrok

Ֆիքսված սակագնով տան ծառայությունների պատվիրում

PicsArt

Lուսանկարների խմբագրման համակարգ

ARMOJI

Հայկական էմոջիների առաջին հավելվածը

Movie Trip

Տեղեկատվություն հայտնի ֆիլմերում ներկայացված վայրերի մասին

gg

Ավտոմեքենա պատվիրելու օնլայն համակարգ

Inapptics-ը մասնակցում է էստոնական Startup Wise Guys աքսելերատորի ծրագրին

Հայկական Inapptics ստարտափը, որն արհեստական բանականության վրա հիմնված անալիտիկ ծրագիր է մշակել մոբայլ հավելվածների համար, այն 11 ստարտափների թվում է, որոնք կմասնակցեն էստոնական Startup Wise Guys աքսելերատորի ծրագրին:

Inapptics-ն օգնում է մոբայլ հավելված ստեղծողներին բարձրացնել իրենց հավելվածի եկամտաբերությունը եւ արդյունավետությունը՝ օգտագործողի պահվածքի վերլուծության եւ պրոակտիվ հուշումների միջոցով:

Էստոնական աքսելերացիոն ծրագրին մասնակցության մասին զրուցել ենք Inapptics-ի համահիմնադիր Տիգրան Հակոբյանի հետ:

- Inapptics-ն առաջին հայկական ստարտափն է, որը կմասնակցի Startup Wise Guys աքսելերատորի ծրագրին: Ինչպե՞ս հայտնվեցիք լավագույն տասնյակում:

- Մոտ երկու ամիս առաջ որոշեցինք փնտրել եւ գտնել հարմար աքսելերացիոն ծրագրեր Եվրոպայում ու ԱՄՆ-ում, որոնք մեզ ոչ միայն ներդրումների հարցում կօգնեն, այլեւ կկարողանան աջակցել իրենց փորձով, գիտելիքներով եւ կապերով:

Որոնման ընթացքում պարզ դարձավ, որ մեզ ամենահարմար ծրագիրն առաջարկում է Եվրոպայում հայտնի եւ B2B կատեգորիայում լավագույնը համարվող Startup Wise Guys աքսելերատորը: Հետաքրքրվեցինք այլ ստարտափների հիմնադիրներից, որոնք մասնակցել էին այդ ծրագրին, եւ ստանալով դրական արձագանք` որոշեցինք դիմել: Անցանք ընտրության մի քանի փուլ. նախ ընտրվեցին 25, ապա նոր միայն թոփ 11 ստարտափները:

Ընդհանուր առմամբ դիմել էր 250-ից ավելի թիմ ամբողջ աշխարհից:

- Ի՞նչ եք ակնկալում ստանալ Startup Wise Guys-ի ծրագրից:

- Աքսելերացիոն ծրագիրը մեզ կտրամադրի այն անհրաժեշտ ռեսուրսներն ու փորձը, որոնց շնորհիվ մենք կարող ենք դուրս գալ միջազգային շուկա եւ աճել: Ծրագրի շրջանակում տարբեր թեմատիկ քննարկումները, դասընթացները եւ մենթորների հետ հանդիպումներն անգնահատելի փորձ կլինեն մեզ համար:

Մեր տրամադրության տակ կլինեն նաեւ Startup Wise Guys-ի բոլոր կապերը, որոնց շնորհիվ մենք կկարողանանք վաճառել մեր պրոդուկտը, գտնել նոր գործընկերներ եւ ստանալ նոր ֆինանսավորում:

- Ձեր կարծիքով, որքանո՞վ էստոնական ՏՏ էկոհամակարգը կարող է հետաքրքիր լինել հայաստանյան մյուս ստարտափների համար:

- Մի փոքր ափսոսանքով եւ նաեւ նախանձով պետք է նշեմ, որ էստոնական ՏՏ-ն անհամեմատ ավելի զարգացած է, քան հայկականը: Այնտեղ ամեն ինչ շատ ավելի դինամիկ է, եւ հնարավորությունների պակաս չի զգացվում: Նույնը կարելի է ասել նաեւ մենթորների եւ ներդրողների մասին: Կան բազմաթիվ փորձառու մենթորներ եւ ներդրողներ, որոնք պատրաստ են կիսվել իրենց գիտելիքներով եւ փորձով, ինչպես նաեւ կատարել ներդրում այն ընկերություններում, որոնց մեջ պոտենցիալ են տեսնում: Իհարկե, էստոնական շուկան փոքր է, ինչպես եւ հայկականը, սակայն դա ունի իր առավելությունները եւ, օրինակ, ստարտափները հենց առաջին օրվանից մտածում են գլոբալ շուկա մուտք գործելու մասին:

Միանշանակ խորհուրդ եմ տալիս հայկական մյուս ստարտափներին ուշադրություն դարձնել էստոնական ՏՏ էկոհամակարգին եւ դիմել այնտեղ գործող աքսելերատորների ծրագրերին:

- Արդեն հայտնի՞ է, թե երբ կգործարկվի Inapptics-ի վերջնական տարբերակը:

- Հիմա աշխատում ենք այդ ուղղությամբ եւ պատրաստվում ենք ամբողջական պրոդուկտը ներկայացնել օգտատերերի դատին ապրիլին:

Տիգրան Հակոբյանի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo