Armenia Startup Academy Demo Day

30 Մայ 2018
American University of Armenia

Ծրագրի երկրորդ շրջանի «շրջանավարտները» կներկայացնեն իրենց ստարտափները
Գրանցվել

BARCAMP EVN'18

16 Հուն 2018 - 17 Հուն 2018
American University of Armenia

Ամենամյա ՏՏ եւ մեդիա կոնֆերանսը կանցկացվի 10-րդ անգամ
Գրանցվել

Նինա Աչաջյան

HIVE

HIVE ներդրումային հիմնադրամի հիմնադիր

Մանուկ Հերգնյան

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Կարեն Վարդանյան

Union of Information Technology Enterprises

ԻՏՁՄ գործադիր տնօրեն

Mobitaxi

Օնլայն տաքսի ծառայություն

Dictoro

Սպորտային հանդիպումների հաշիվների կանխատեսում

Sololearn

Ծրագրավորում սովորեցնող ամենամեծ մոբայլ հարթակը

KitKeys

Հայերեն ստեղնաշար

Chessfimee

Շախմատի խաղատախտակի սքանավորում եւ վերլուծություն

Wakie

Զրուցել անծանոթի հետ, ստանալ հուզող հարցերի պատասխաններ

Armenia Today

Հայաստանյան վերջին լուրերը՝ տարբեր աղբյուրներից

Playland Armenia

Կրթական եւ ժամանցային անվճար խաղային հարթակ

Revolut-ի հիմնադիրը՝ ֆինտեխ թրենդների եւ կրիպտո ապագայի մասին

Revolut ստարտափի համահիմնադիր, Մոսկվայի ֆիզիկատեխնիկական ինստիտուտի շրջանավարտ Նիկոլայ Ստորոնսկին կանխատեսում է՝ կրիպտոարժույթները կտարածվեն ամբողջ աշխարհում, այդ թվում՝ Աֆրիկայում, սակայն հատկապես կարեւոր կլինեն զարգացած երկրներում:

Նիկոլայ Ստորոնսկին այս մասին նշել է Itel.am-ի հետ բացառիկ զրույցում՝ Ռիգայում կայացած TechChill տեխնոլոգիական միջոցառման շրջանակում:

Revolut-ի համահիմնադիրն ասել է, որ զարգացած ֆինտեխ էկոհամակարգը բաղկացած է երեք մասից՝ ենթակառուցվածքներ, բանկային ոլորտ եւ իրավական դաշտ:  

«Կարծում եմ՝ ամուր ենթակառուցվածքի առկայությունը ֆինտեխ ոլորտում պարտադիր նախապայման է, հիմք՝ բիզնեսների, հատկապես ՏՏ ոլորտի համար»,- նշել է  Նիկոլայ Ստորոնսկին:

Միաժամանակ, նա կարծիք է հայտնել, որ Արեւելյան Եվրոպայում բենքինգը, բլոքչեյնը եւ կրիպտոարժույթները շատ ավելի զարգացած են, քան Արեւմտյան Եվրոպայում:


Լուսանկարը՝ TechChill


Խոսելով բիթքոինի փոխարժեքի տատանումների մասին՝ նա ասել է, որ դա շատ անկանխատեսելի գործընթաց է:

«Սկզբում կարծում էի՝ այն կհասնի $10 000-ի, ապա կբարձրանա մինչեւ $40 000, բայց այն դարձավ $21 000»,- նշել է նա:

Revolut ստարտափի համահիմնադիրը խոսել է նաեւ ընկերության ստեղծման վաղ փուլում իր թույլ տված սխալների մասին՝ դրանց թվում նշելով սխալ մարդկանց աշխատանքի ընդունելը, ոչ ճիշտ բաների վրա ռեսուրսներ ծախսելը, վատ գովազդը:

Պատասխանելով հարցին, թե որն է թիմն ընդլայնելու ճիշտ ժամանակը՝ նա կատակելով ասել է.

«Երբ տեսնում ես, որ աշխատակիցներդ սկսում են գրասենյակում քնել, քանի որ աշխատանքը շատ է, ապա ճիշտ ժամանակն է՝ թիմը նոր մարդկանցով համալրելու»:

Նիկոլայ Ստորոնսկին խոսել է նաեւ տեխնոլոգիական թրենդների մասին: Նա ֆինտեխից բացի առանձնացրել է արհեստական բանականությունը, վիրտուալ իրականությունը, եւ նշել, որ մոտ ապագայում այդ ցուցակին կավելանան բժշկությունը եւ կենսաբանությունը:

2015թ. Լոնդոնում հիմնված Revolut ստարտափն ի սկզբանե մշակել էր դեբետային քարտ, որի միջոցով հնարավոր էր վճարումներ կատարել յուրաքանչյուր երկրում՝ փոխանակելով արժույթը միջբանկային փոխարժեքով։ Քարտը հնարավորություն էր տալիս հաշիվներ բացել մի քանի արժույթով, եւ քարտապանը կարող էր փոխանցել, փոխարկել գումարը եւ առանց միջնորդավճարի վճարումներ կատարել շրջագայությունների ժամանակ՝ ղեկավարելով այդ ամենը հատուկ հավելվածում։

Այսօր Revolut-ն աշխատում է արդեն 130 արժույթով (այդ թվում՝ երեք կրիպտոարժույթով), ընկերության ծառայությունից օգտվում է ավելի քան 1,5 մլն մարդ։ Ընդհանուր առմամբ, ստարտափը ներգրավել է $86,4 մլն-ի ներդրում, այդ թվում՝ $5 մլն իր հաճախորդներից քրաուդֆանդինգի շրջանակում։

Այս տարվա ավարտին Revolut-ը նախատեսում է քարտեր տրամադրել նաեւ Ռուսաստանում։

Նիկոլայ Ստորոնսկիի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo