Armenia Startup Academy Demo Day

30 Մայ 2018
American University of Armenia

Ծրագրի երկրորդ շրջանի «շրջանավարտները» կներկայացնեն իրենց ստարտափները
Գրանցվել

BARCAMP EVN'18

16 Հուն 2018 - 17 Հուն 2018
American University of Armenia

Ամենամյա ՏՏ եւ մեդիա կոնֆերանսը կանցկացվի 10-րդ անգամ
Գրանցվել

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Armenia Today

Հայաստանյան վերջին լուրերը՝ տարբեր աղբյուրներից

A2B transport

Երեւանի տրանսպորտային երթուղիների որոնում

KitKeys

Հայերեն ստեղնաշար

Eye Care Plus

Ստուգել եւ մարզել տեսողությունը

Calculator (APPA)

Հաշվել ԱՊՊԱ-ի հետ կապված ծախսերը

Servicebrok

Ֆիքսված սակագնով տան ծառայությունների պատվիրում

Yerevan Events

Մշակութային և ժամանցային միջոցառումների ուղեցույց

LiveBoard

Ինտերակտիվ գրատախտակ՝ նկարելու եւ զրուցելու համար

Նիք Սպանոս. Կրիպտոարժույթները կարող են փոխակերպել Հայաստանի ապագան

Բիթքոինի միջազգային փորձագետ, Blockchain Technologies Corporation-ի տնօրեն Նիք Սպանոսը հունվարի վերջին բիթքոինի միջազգային փորձագետների պատվիրակության գլխավորությամբ Հայաստան էր այցելել՝ ծանոթանալու երկրի բլոքչեյն եւ կրիպտո ներուժին ու հեռանկարներին:

Նիք Սպանոսը Նյու Յորքում 2013թ. հիմնել էր Բիթքոին կենտրոնը՝ որպես բիթքոինի ֆիզիկական փոխանակման առաջին հաստատություն, որը տեղակայված է անմիջապես Նյու Յորքի ֆոնդային բորսայի հարեւանությամբ:

Հայաստան կատարած այցի շրջանակում պատվիրակությունը բազմաթիվ հանդիպումներ է ունեցել, այդ թվում՝ այցելել Հայաստանի Ազգային ժողով, «Թումո» կենտրոն, Հայաստանի Ամերիկան համալսարան:

Itel.am-ի բացառիկ հարցազրույցը Նիք Սպանոսի հետ:

- Սա Ձեր առաջին այցն է տարածաշրջան: Եվ Դուք ընտրեցիք Հայաստանը: Հետաքրքիր է՝ ինչո՞ւ:

-Ինձ այստեղ է բերել հետաքրքրությունը: Հայաստան գալու ցանկություն առաջացավ, քանի որ տեսնում էի, թե ինչպես են հայերը բազմիցս հաղթում շախմատի օլիմպիադաներում: Փոքր երկիր, որտեղ մի քանի միլիոն մարդ է ապրում՝ ինձ հետաքրքիր էր, թե ինչպես է հայերի մոտ ստացվում նման հաջողությունների հասնել:

-Կարճաժամկետ հեռանկարում ի՞նչ պլաններ ունեք կապված Հայաստանի հետ:

- Ցանկանում եմ բիթքոինի բանկոմատ ներմուծել Հայաստան: Ամբողջ աշխարհում բիթքոինի կանխիկացման հազարավոր բանկոմատներ են գործում:

Ես ինքս բանկոմատ արտադրող գործարան ունեմ: Մենք փնտրում ենք Հայաստանից գործընկերոջ, որի հետ միասին կաշխատենք առաջին բանկոմատը երկիր բերելու ուղղությամբ: Հայաստան իմ այցի ընթացքում այս թեմայով բազմաթիվ հանդիպումներ ունեցանք:

Նիք Սպանոսը եւ Նարինե Դանեղյանը

Նիք Սպանոսը եւ Նարինե Դանեղյանը
Լուսանկարը՝ Մեդիամաքս


Բանկոմատը կատարելու է երկու հիմնական գործառույթ:

Բիթքոին գնելու համար պետք է սարքի մեջ տեղական արժույթ մուտք անել, ստեղծել դրամապանակ եւ գնել բիթքոին, այսինքն՝ այն ներբեռնել ձեր վիրտուալ դրամապանակ:

Բանկոմատը թույլ է տալու նաեւ վաճառել բիթքոինը՝ փոխարենը ստանալով տեղական արժույթ:

- Ի՞նչ հեռանկարներ ունի Հայաստանը՝ որպես բլոքչեյն եւ կրիպտո երկիր:

- Հայաստանը պատրաստ է բլոքչեյնի եւ կրիպտոարժույթների ապագային: Սա ապագա է, որը միայն հասարակ մարդկանց օրակարգով է առաջնորդվում: Մենք եկել ենք այստեղ բացահայտելու կրիպտոարժույթներով «հավասարը հավասարին» (peer-to-peer) գործարքների ներուժը:

Ես համոզված եմ, որ կրիպտոարժույթները կարող են փոխակերպել Հայաստանի ապագան:

- Ինչպե՞ս է պետք նախապատրաստվել բիթքոին գնելուն:

- Մինչեւ բիթքոին գնելը խորհուրդ կտայի նախ պատկերացում կազմել, թե ինչպես է այն աշխատում: Հարկավոր է անել ավելին՝ կրիպտոարժույթների մասին հասարակությանն իրազեկելու հարցում:

Կրիպտոարժույթները տեխնոլոգիաներ են, որոնք եկել են, որպեսզի մնան: Որքան էլ բիթքոինն անկում ապրի, արդյունքում՝ տատանումներն ավելի շատ դեպի վեր կլինեն, քան վար:

- Երեւան կատարած այցի ընթացքում մասնակցեցիք Yerevan Blockchain Hackathon-ին, որը կազմակերպել էին Hero House-ը, Zap եւ YLedger ընկերությունները: Ձեր կարծիքով, որքանո՞վ էին հայաստանյան ստարտափները պատրաստ այս նոր տեխնոլոգիային:  

- Տպավորված եմ ներկայացրած սմարթ գաղափարներով: Դա է պատճառը, որ նախապես հայտարարված մրցանակային ֆոնդը կրկնապատկեցինք: Իսկապես մի քանի հիանալի գաղափարներ կային: Այդ պատճառով որոշեցինք թիմերին մոտ կես ամիս ժամանակ տալ, ինչի արդյունքում նրանք կզարգացնեն իրենց գաղափարները եւ դրանք ավելի հղկված ձեւով կներկայացնեն:  

- Եվ վերջում չեմ կարող չհարցնել «Թումո» կատարած Ձեր այցի մասին:

- Այնտեղ շուրջ 60 ուսանողների համար ելույթ ունեցա: Խոսեցինք կրիպտո թրենդների մասին: Զարմացած եմ, թե այդ պատանիները որքան տեղեկացված են այդ ամենի մասին: «Թումո»-ի պես վայրում նախկինում երբեք չէի եղել: Ինձ հիացրեց, թե որքան կազմակերպված եւ զարգացած է կրթական համակարգն այնտեղ: Այն մեթոդները, որոնցով այս երեխաները սովորում են, հիանալի են: Նրանք այնքան շատ շանսեր ունեն:

«Թումո»-ն լավ մոդել է, իսկ երեխաները մեր ապագան են: Այնպես որ, ամբողջ աշխարհում «թումոներ» ունենալն իսկապես ներդրում է:

Նիք Սպանոսի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo