Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

CityNabz

Ժամանցային միջոցառումների տեղեկատու

A2B transport

Երեւանի տրանսպորտային երթուղիների որոնում

Dhole

Խաղի միջոցով սովորել համաստեղությունների անունները

Be Armenian

Հայկական թեմաներով հայալեզու ֆոներ եւ բացիկներ

KitKeys

Հայերեն ստեղնաշար

inKin

Սոցիալական ֆիթնեսի հայ-ռուսական հարթակ

PicsArt

Lուսանկարների խմբագրման համակարգ

Playland Armenia

Կրթական եւ ժամանցային անվճար խաղային հարթակ

Google I/O 2017-ի նորությունները

Մայիսի 17-ին Google-ը Mountain View-ի իր կենտրոնակայանում անցկացրել է I/O կոնֆերանսը, որի ընթացքում ընկերությունը հայտարարել է մի շարք նորությունների մասին:

Ներկայացնելով վիճակագրությունը՝ հայտարարվել է, որ ներկայում Android բազայի վրա աշխարհում շուրջ 2 մլրդ սարք է աշխատում ՝ սմարթֆոններ, պլանշետներ, ժամացույցներ եւ այլն:

Ընկերության գործադիր տնօրեն Սունդար Պիչայը հայտարարել է, որ այսուհետ առաջին տեղում են ոչ թե մոբայլ տեխնոլոգիաները, այլ արհեստական բանականությունը, եւ Google-ի բոլոր ծառայություններում ներդրվում են մեքենայական ուսուցման էլեմենտներ: Արհեստական բանականությամբ աշխատող Google-ի նախագծերը հավաքված են մեկ ընդհանուր հարթակում:

Android O

Google-ն առաջին անգամ պաշտոնապես ներկայացրել է Android O օպերացիոն համակարգը:  

Համակարգի պաշտպանության համար ընկերությունը կօգտագործի մեքենայական ուսուցման էլեմենտներ, որոնց հիմքում կաշխատի Play Protect ծրագիրը: Այն կուսումնասիրի սարքի գործունեության հետ կապված խնդիրները՝ անհրաժեշտության դեպքում արգելափակելով վտանգները:  

Ամռանը նոր համակարգը հասանելի կդառնա բոլոր օգտատերերի համար: Օպերացիոն համակարգում ավելացվել է Vitals ծառայությունը, որը հետեւում է սարքի հիմնական ցուցանիշներին՝ խնայելով մարտկոցի լիցքավորումը, ապահովելով անվտանգությունը եւ արտադրողականության բարձրացումը: Այսպիսով, սա թույլ կտա նոր օպերացիոն համակարգին ավելի արագ ներբեռնվել, կարագանա նաեւ սմարթֆոնի աշխատանքը:

Ներկայացվել է նաեւ համակարգի ավելի թեթեւ տարբերակը՝ Android Go-ն, որը թույլ կտա արագացնել աշխատանքը ոչ թանկ սմարթֆոններում եւ նվազեցնել թրաֆիկի օգտագործումը:

Google Lens

Google Lens-ը կօգտագործվի տեսախցիկի օգնությամբ ճանաչելու օբյեկտները եւ կգործի որպես Google Assistant-ի մաս: Օգտատերերը կստանան հնարավորություն օբյեկտի մասին տեղեկատվություն ստանալ՝ սմարթֆոնի տեսախցիկը պահելով դրա վրա:

Google Lens-ն կաշխատելի ոչ միայն տեսախցիկի ռեժիմում, այլեւ սմարթֆոնում առկա լուսանկարների հետ:  Համակարգը կգործարկվի այս տարվա ընթացքում:

Google Assistant

Ընկերությունը հայտնել է, որ Google Assistant-ին ուղղված ձայնային հարցումների 70 տոկոսը ոչ թե որոնման հարցեր են, այլ ուղղակի զրույց: Այդպիսով ծառայությունն իրականացնում է ավելի շատ շփման, այլ ոչ հարց-պատասխանի գործառույթ:

Google Assistant-ն այսուհետ հասանելի կլինի նաեւ iPhone-ների համար՝ ներկայանալով որպես առանձին հավելված: Սակայն Apple-ի կողմից սահմանափակումների պատճառով հասանելի գործառույթներն ավելի քիչ կլինեն, քան Android-ի դեպքում. Հնարավոր կլինի ուղարկել հաղորդագրություն iMessage-ի միջոցով, միացնել երաժշտություն, սակայն օգտատերը չի կարողանա, օրինակ, զարթուցիչ միացնել:  

Google Assistant-ը մինչեւ տարվա վերջ հասանելի կլինի ֆրանսերեն, գերմաներեն, իսպաներեն, ճապոներեն, պորտուգալերեն եւ կորեերեն լեզուներով:

Խելացի օգնականը նաեւ հնարավորություն կտա վճարել ծառայությունների եւ պրոդուկտների համար՝ հաշվին կցված բանկային քարտի օգնությամբ: Սակայն դեռ պարզ չէ, թե որ երկրներում հասանելի կլինի գործառույթը:

Google Home

Google Home-ը շուտով հասանելի կլինի ԱՄՆ-ից դուրս՝ Կանադայում, Ավստրալիայում, Ֆրանսիայում, Գերմանիայում եւ Ճապոնիայում:

Google Home-ի օգնությամբ այսուհետ հնարավոր կլինի ձայնային զանգեր ուղարկել: Կարելի է անվճար զանգել ԱՄՆ-ում Կանադայում ֆիքսված հեռախոսահամարներին, միաժամանակ պարտադիր չէ Google Home-ին միացնել սեփական մոբայլ հեռախոսը: Զանգեր իրականացնել ընկերությունը պատրաստվում է սեփական ենթակառուցվածքներին օգնությամբ:

Խելացի պատասխաններ Gmail-ում

Smart Reply գործառույթը հնարավորություն կտա արհեստական բանականության օգնությամբ վերլուծել նամակի տեքստը եւ դրան պատասխանելու մի քանի տարբերակ առաջարկել: Սկզբում գործառույթը հասանելի կլինի անգլերենով, իսկ մի քանի շաբաթից՝ նաեւ իսպաներենով:

Google Photos

Ներկայացվել է Google Photos-ի 3 նոր գործառույթ: Այսուհետ հնարավոր է մեկ քլիքով նկարով կիսվել այն մարդու հետ, որը նշված է այդ լուսանկարում:

Google Photos-ում այսուհետ գոյություն ունեն ընդհանուր գրադարաններ, հետեւաբար էական չէ, թե ում հեռախոսով է արված լուսանկարը: Այն կհայտնվի նաեւ այն սարքերի հիշողությունում, եթե համակարգը որոշակիացնի մարդկանց, որոնք միացված են ընդհանուր հավաքածուին:

Երրորդ նորությունը ֆոտոգրքերի ստեղծումն է: Այս գործառույթը դեռեւս հասանելի կլինի միայն ԱՄՆ-ում:

Վիրտուալ իրականություն

Ընկերություն շարունակում է աշխատել Daydream VR հարթակի վրա: Աշնանը հարթակը հասանելի կլինի Samsung Galaxy S8 եւ S8 Plus սմարթֆոնների համար:

Ներկայացվել է նաեւ Visual Positioning Service (VPS) լրացված իրականության համակարգը, որը թույլ կտա կողմնորոշվել, օրինակ, մեծ սուպերմարկետներում՝ գտնելով անհրաժեշտ ապրանքը:

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo