Armenia Startup Academy Demo Day

30 Մայ 2018
American University of Armenia

Ծրագրի երկրորդ շրջանի «շրջանավարտները» կներկայացնեն իրենց ստարտափները
Գրանցվել

BARCAMP EVN'18

16 Հուն 2018 - 17 Հուն 2018
American University of Armenia

Ամենամյա ՏՏ եւ մեդիա կոնֆերանսը կանցկացվի 10-րդ անգամ
Գրանցվել

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Մանուկ Հերգնյան

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

TaxoLine

Տաքսիների օնլայն պատվիրում Երեւանում

Mashtots

Արեւմտահայերեն սովորեցնող հավելված

Calculator (APPA)

Հաշվել ԱՊՊԱ-ի հետ կապված ծախսերը

Mobitaxi

Օնլայն տաքսի ծառայություն

Cubway

Արկադային (Arcade game) էլեմենտներով puzzle խաղ

Wakie

Զրուցել անծանոթի հետ, ստանալ հուզող հարցերի պատասխաններ

KitKeys

Հայերեն ստեղնաշար

360 Stories

Հայաստանի տեսարժան վայրերը՝ 360 աստիճանով

Բեն Կոստանտինի. Startup Sesame-ը ցանկանում է «գալ» Արեւելյան Եվրոպա

Փետրվարի 9-10-ը Լատվիայի մայրաքաղաք Ռիգայում կայացել է TechChill տեխնոլոգիական միջոցառումը, որը 26 երկրից հյուրընկալել է 1000-ից ավելի ներդրողների, ստարտափների հիմնադիրների, ձեռներեցների եւ էկոհամակարգի այլ ներկայացուցիչների:

Փարիզում բնակվող Բեն Կոստանտինին Եվրոպայի տեխնո միջոցառումների ամենամեծ միության՝ Startup Sesame-ի գործադիր տնօրենն է: Startup Sesame աքսելերացիոն ծրագիրը առաջինն է Եվրոպայում, որը տրամադրում է խորհրդատվություն՝ կապված միջոցառումների (events) կազմակերպման հետ՝ օգնելով ստարտափներին կոնֆերանսների, կրթության եւ կապերի հաստատման միջոցով զարգանալ:

Itel.am-ի թղթակիցը ներկա է եղել TechChill-ին եւ զրուցել Բեն Կոստանտինիի հետ:

- Startup Sesame-ն իրականացնում է միջոցառումների (events) ուղղվածության աքսելերացիոն ծրագիր: Ի՞նչ է այն:  

- Կարեւոր է հասկանալ այն, որ մենք չենք կազմակերպում տեխնոլոգիական միջոցառումներ, մենք մեկ ցանցի մեջ ենք դրանք հավաքագրում, ինչն իր հերթին օգնում է ստարտափներին միջազգային մակարդակով աճ ապահովել՝ ճիշտ ժամանակին ներկա լինելով ճիշտ կոնֆերանսին: Մենք նախապես դիտարկում ենք մի շարք հանգամանքներ, այդ թվում, թե որքանով է տվյալ միջոցառումը տվյալ ստարտափի բիզնեսին, ռազմավարությանը համապատասխան եւ օգտակար:  

Ներկայում մենք ունենք 25 գործընկեր միջոցառումներ եւ 12 ակտիվ ստարտափ: Նույն առաջարկը գործում է կորպորատիվ ընկերությունների եւ ներդրողների համար եւս:

Սա ինչ-որ չափով նման է աքսելերացիոն ծրագրի, քանի որ մենք ընտրում ենք այն ստարտափներին, որոնց հետ պետք է համագործակցենք: Հաշվի են առնվում բիզնես չափանիշները, ինովացիոն բաղադրիչը, շուկայի պահանջարկը եւ այլն:


Լուսանկարը՝ Ruslan Zavacky


Եթե ձեր ստարտափը նախկինում չի մասնակցել միջոցառումների, կամ կարծում է, որ նման միջոցառումների մասնակցությունը օգտակար չէ, ապա մենք ձեզ ոչնչով չենք կարող օգնել: Դա է պատճառը, որ մեր հետաքրքրության կենտրոնում են սաղմնային (seed) փուլն անցած ստարտափները, որոնց համար տարեկան 3-4 միջոցառման մասնակցությունը պարտադիր է, հետեւաբար՝ նրանք համոզված են, որ այնտեղ պարզապես ժամանակ չեն վատնելու:  

- Իսկ ինչպե՞ս կարող են Հայաստանը եւ հայկական ստարտափները մասնակցել Startup Sesame-ի կազմակերպած ծրագրերին:

- Ներկայում դա բավական պարզ գործընթաց է: Հայկական ստարտափները կարող են դիմել մեր եվրոպական ծրագրերին, քանի որ Եվրոպա ասելով՝ մենք հասկանում ենք ոչ միայն ԵՄ երկրները: Սակայն Արեւելյան Եվրոպայում մի փոքր ավելին անելու համար մենք պետք է այդ տարածաշրջանում ընդլայնենք մեր ցանցը: Իսկ ներկայում մեր ունեցած հաջողակ պատմությունները հիմնականում Արեւմտյան Եվրոպայի ստարտափներին են վերաբերում: Վերջիններս արդեն տեղյակ են անցկացվող հիմնական կոնֆերանսների մասին եւ մեր շնորհիվ ավելի շատ միջոցառումների են մասնակցում:

Եթե հայկական ստարտափը ցանկանում է մասնակցել ՏՏ որեւէ միջոցառման, օրինակ, Ֆրանսիայում, նա նախապես պետք է մի շարք բաներ իմանա: Եվ նրանց փորձառությունն ավելի արժեքավոր դարձնելու համար Startup Sesame-ը պետք է ունենա սեփական ցանցը եւ միջոցառումները տարածաշրջանում, եւ խոսքն այստեղ ոչ միայն Հայաստանի, այլեւ ամբողջ տարածաշրջանի մասին է:  

Մենք հետաքրքրված ենք Արեւելյան Եվրոպայում ավելի մեծ ներկայացված լինելու հեռանկարով: Հարկ է նշել, որ ունենք, այսպես կոչված, գործընկերային միջոցառումներ (partner events), եւ եթե մարդիկ ցանկանում են համագործակցել մեզ հետ, կարող են գրել մեզ:


Լուսանկարը՝ Edijs Palens


- Ո՞րը կլինի ձեր խորհուրդն այն ստարտափներին, որոնք շուտով պետք է աքսելերացիոն որեւէ ծրագրի մասնակցության հայտ լրացնեն:

- Նախապե՛ս պատրաստվեք: Եթե վերջնաժամկետն այդ օրվա կեսգիշերն է, ապա պետք չէ սկսել լրացնել հայտը դրանից մեկ ժամ առաջ: Եթե դուք ստարտափ եք, որի զարգացումը կախված է տվյալ աքսելերացիոն ծրագրից, ապա պետք է հասկանաք, որ հաջողությունը հիմնված է նախնական հետազոտության վրա, իսկ դրա համար հարկավոր է մի փոքր ժամանակ ծախսել:  

Մեզ ուղարկված հայտերի 30-40%-ն ամբողջական չեն, մարդիկ պարզապես չեն պատասխանում առաջադրված բոլոր հարցերին: Սակայն ստարտափը պետք է գիտակցի, որ հայտի պատշաճ լրացումը եւս ժյուրիին կարող է համոզել, որ մասնակցությունը ձեր ստարտափի համար իսկապես կարեւոր է:

Բեն Կոստանտինիի հետ զրուցել է Նարինե Դանեղյանը

TechChill-ի կազմակերպիչը TechHub Riga-ն է, գլխավոր հովանավորներն են ALTUM, TWINO եւ Printful ընկերությունները:

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo