Code in the Dark

29 Ապր 2018
Buro

Մրցույթը հաքաթոնի ֆորմատի սպորտային տարբերակն է
Գրանցվել

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

OutChat

Ծանոթանալ եւ հանդիպել 24 ժամ անց

Calculator (APPA)

Հաշվել ԱՊՊԱ-ի հետ կապված ծախսերը

Be Armenian

Հայկական թեմաներով հայալեզու ֆոներ եւ բացիկներ

Servicebrok

Ֆիքսված սակագնով տան ծառայությունների պատվիրում

PicsArt

Lուսանկարների խմբագրման համակարգ

ARMOJI

Հայկական էմոջիների առաջին հավելվածը

Movie Trip

Տեղեկատվություն հայտնի ֆիլմերում ներկայացված վայրերի մասին

gg

Ավտոմեքենա պատվիրելու օնլայն համակարգ

Հայկական Curencii ստարտափը մասնակցում է Startup Wise Guys-ի ծրագրին

Curencii հայկական ստարտափը, որն արտարժույթի օնլայն փոխանակման հարթակ է եւ թույլ է տալիս շուրջ 10 անգամ խնայել արտարժույթ փոխանակելու գործընթացում, մասնակցում է Ռիգայում օրեր առաջ մեկնարկած Startup Wise Guys էստոնական աքսելերատորի եռամսյա ծրագրին:

Itel.am-ի հետ զրույցում ստարտափի հիմնադիր Վահագն Գրիգորյանը նշում է, որ ստարտափը գործունեությունը սկսել է Հայաստանում, սակայն որոշ պատճառներով չի կարողացել լիցենզիա ստանալ: Հետագայում Startup Wise Guys-ի ծրագրին մասնակցելու նպատակով Վահագն Գրիգորյանը տեղափոխվել է Ռիգա, որտեղ էլ արդեն ապրիլի սկզբին ստարտափը կիրականացնի իր առաջին տրանզակցիաները:

«Համակարգում ներկայացված է երկու կողմ՝ գնորդ եւ վաճառող: Մենք այդ կողմերի համար ծառայում ենք որպես կամուրջ, գեներացնում ենք բոլոր պահանջները, հետո յուրաքանչյուր կողմին փոխանցում իրեն հասանելիք գումարը: Նրանք իրար չեն տեսնում, դա արված է անվտանգությունից ելնելով, որպեսզի իրար չխաբեն»,- համակարգի աշխատանքը բացատրում է Վահագն Գրիգորյանը:

Ներկայում ստարտափի նպատակը բիզնեսների հետ աշխատելն է, ավելի ուշ կսկսեն նաեւ անհատների հետ համագործակցել:

«Արտարժույթի փոխանակումը ռիսկային գործընթաց է, քանի որ տատանումներից բիզնեսները մեծ կորուստներ կունենան: Որոշ ընկերություններ մեկ տատանման արդյունքում կարող են կորցնել իրենց ամբողջ տարվա եկամուտը: Դրանք հիմնականում աութսորսինգով զբաղվող եւ հաշվապահական ընկերություններն են, ճանապարհորդական գործակալությունները, ֆինանսական հաստատությունները»,- պատմում է Վահագն Գրիգորյանը:   

«Եթե նախկինում մեր թիրախը Հայաստանն ու ԱՊՀ մյուս երկրներն էին, ապա ներկայում շուկան փոխվել է: Եվրոպայում ամեն օր փոխարժեքի 800 մլրդ տրանզակցիա է իրականացվում: Ամբողջ աշխարհում այդ թիվն օրական կազմում է 6 տրլն»,- հավելում է նա:

Curencii-ն քննարկում է Բալթյան երկրների ամենախոշոր բանկերից մեկի՝ Swedbank-ի հետ համագործակցությունը, որին է պատկանում տարածաշրջանի շուկայի շուրջ 50%-ը: Ի դեպ, բանկը Startup Wise Guys-ի գործընկերն է եւ աքսելերացիոն ծրագիրը հենց նրա գրասենյակում է ընթանում:

Curencii-ի 4-հոգանոց թիմը ծրագրում է ամրապնդվել եւ հաճախորդներ ներգրավել Լատվիայում, ապա ընդլայնվել դեպի Էստոնիա, Լիտվա եւ Շվեդիա: Այնուհետ, Վահագն Գրիգորյանի խոսքով, կմտածեն Հայաստանի եւ հետխորհրդային այլ երկրների մասին, քանի որ կարծում են, որ փոխարժեքի տատանումների արդյունքում ծրագրի պահանջարկն իսկապես առկա է:

Ստարտափներին Վահագն Գրիգորյանը խորհուրդ է տալիս չընկճվել ձախողումներից:

«Հոգեբանորեն պատրաստ պետք է լինել ամենավատ սցենարին: Երբեք մի՛ ամաչեք խոսել հայտնի աքսելերատորների ներկայացուցիչների հետ: Առանց դրա ոչ ոք չի իմանա, որ դուք գոյություն ունեք: Համա՛ռ եղեք, հիշեցրե՛ք նրանց ձեր մասին, նամակնե՛ր գրեք, համոզե՛ք: Աքսելերատորների հետ համագործակցությունը փոխշահավետ գործընթաց է՝ որքան դու ունես իրենցից շահ, նույնքան էլ իրենք՝ քեզանից»,- ասում է Curencii-ի հիմնադիրը:

Միաժամանակ, նա նկատում է, որ Հայաստանում ստարտափներն ավելի շատ կենտրոնանում են պրոդուկտի մշակման, քան բիզնեսի վրա:

«Կոդը իր տեղն ու ժամանակը ունի, բայց սա, վերջիվերջո, բիզնես է, որը պետք է առաջ տանել»,- ամփոփում է Curencii-ի հիմնադիրը:

Նարինե Դանեղյան

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo