Beeline-ը գործարկել է առցանց վճարումների pay.beeline.am հարթակը

Լուսանկարը՝ Beeline

Լուսանկարը՝ Beeline

 

Beeline-ը գործարկել է առցանց վճարումների pay.beeline.am հարթակը

 

15:25 | 25.12.17 | Նորություններ | visibility 24425

Հայաստանում Beeline-ը՝ Ամերիաբանկի հետ համատեղ, գործարկել է pay.beeline.am հարթակը, որով օգտատերերը կարող են բանկային քարտի առցանց օգտագործմամբ վճարել Beeline-ի եւ այլ ծառայությունների դիմաց:



pay.beeline.am-ի օգնությամբ օգտատերը կարող է բոլոր ծառայությունները ներառել ընդհանուր զամբյուղում եւ վճարել մեկ գործարքով։ Համակարգը թույլ է տալիս նաեւ ստեղծել եւ պահպանել ծառայությունների խմբեր՝ հետագայում դրանց համար արագ վճարումներ կատարելու նպատակով։ Բացի այդ, առաջինը հայաստանյան օպերատորներից Beeline-ը տրամադրում է բաժանորդներին «Ինքնաշխատ վճարումներ» ծառայությունը, որի շնորհիվ պարտքի առկայության դեպքում ամեն ամիս տվյալ ծառայության կամ ծառայությունների խմբի վճարումը կկատարվի ավտոմատ, իսկ օգտատերը նախապես կստանա SMS ծանուցում։

Օգտատերը կարող է վճարային քարտը կցել իր անձնական էջին եւ վճարումներ կատարել առանց քարտային տվյալների մուտքագրման։

Ամերիաբանկը հնարավորություն է ընձեռել անմիջապես Beeline-ի կայքից կատարել քարտերով առցանց գործարքներ, այդ թվում նաեւ` կոմունալ վճարումներ: Քարտերով առցանց գործարքները կատարվում են Ամերիաբանկի կողմից մշակված vPOS վճարային գործիքի միջոցով, եւ VbV (Verified by VISA) եւ 3DSecure բարձրակարգ տեխնոլոգիաների օգնությամբ ապահովվում է գործարքների բարձր անվտանգություն:

«Մեզ համար առաջնային նշանակություն ունի մեր բաժանորդների հարմարավետությունը եւ մենք առաջարկում ենք պարզ եւ հարմար առցանց լուծումների լայն ընտրություն։ Մեր բաժանորդները առցանց կարող են ծառայություններ ակտիվացնել, հեռախոսներ կամ SIM քարտեր պատվիրել եւ վճարել Beeline կապի ծառայությունների համար։ Իսկ այժմ «Ամերիաբանկ»-ի հետ միասին գործարկած մեր համակարգի շնորհիվ օգտատերերը կարող են առցանց վճարել ոչ միայն Beeline-ի, այլ նաեւ այլ ծառայությությունների դիմաց՝ առանց ժամանակի կորստի եւ  որեւէ միջնորդավճարի»,- նշել է Հայաստանում Beeline-ի Գլխավոր տնօրեն Անդրեյ Պյատախինը:

«Կարեւորելով առցանց ծառայությունների զարգացումը՝ մենք շարունակում ենք հանդես գալ նորամուծություններով եւ միաժամանակ ողջունում ենք այդ ուղղությամբ նոր նախաձեռնությունները` մեր մասնակցությունն ունենալով նման գործընթացներում: Beeline-ի հետ Ամերիաբանկի հերթական համագործակցությունը միտված է հաճախորդների համար վճարումների կատարման առավելագույն հարմարավետության ապահովմանը, ցանկացած բանկի  ԱրՔա,Visa եւ MasterCard համակարգերի շրջանակներում թողարկված վճարային քարտերով առցանց վճարումների նոր հնարավորությունների ստեղծմանը»,- նշել է Ամերիաբանկի Տեխնոլոգիաների եւ գործառնությունների գծով տնօրեն Բուրաստան Մովսիսյանը:

pay.beeline.am կայքից օգտվելու համար անհրաժեշտ է մուտքագրել քաղաքային հեռախոսահամարը կամ տվյալ կոմունալ ծառայության անհատական կոդը, բանկային քարտի տվյալները եւ վճարվող գումարի չափը: Համակարգում հնարավոր է տեսնել նախորդ ամիսների վճարային կտրոնները եւ անհրաժեշտության դեպքում տպել դրանք, կամ ուղարկել էլ. հասցեին:

Հայաստանում Beeline-ը՝ Ամերիաբանկի հետ համատեղ, գործարկել է pay.beeline.am հարթակը, որով օգտատերերը կարող են բանկային քարտի առցանց օգտագործմամբ վճարել Beeline-ի եւ այլ ծառայությունների դիմաց:

pay.beeline.am-ի օգնությամբ օգտատերը կարող է բոլոր ծառայությունները ներառել ընդհանուր զամբյուղում եւ վճարել մեկ գործարքով։ Համակարգը թույլ է տալիս նաեւ ստեղծել եւ պահպանել ծառայությունների խմբեր՝ հետագայում դրանց համար արագ վճարումներ կատարելու նպատակով։ Բացի այդ, առաջինը հայաստանյան օպերատորներից Beeline-ը տրամադրում է բաժանորդներին «Ինքնաշխատ վճարումներ» ծառայությունը, որի շնորհիվ պարտքի առկայության դեպքում ամեն ամիս տվյալ ծառայության կամ ծառայությունների խմբի վճարումը կկատարվի ավտոմատ, իսկ օգտատերը նախապես կստանա SMS ծանուցում։

Օգտատերը կարող է վճարային քարտը կցել իր անձնական էջին եւ վճարումներ կատարել առանց քարտային տվյալների մուտքագրման։

Ամերիաբանկը հնարավորություն է ընձեռել անմիջապես Beeline-ի կայքից կատարել քարտերով առցանց գործարքներ, այդ թվում նաեւ` կոմունալ վճարումներ: Քարտերով առցանց գործարքները կատարվում են Ամերիաբանկի կողմից մշակված vPOS վճարային գործիքի միջոցով, եւ VbV (Verified by VISA) եւ 3DSecure բարձրակարգ տեխնոլոգիաների օգնությամբ ապահովվում է գործարքների բարձր անվտանգություն:

«Մեզ համար առաջնային նշանակություն ունի մեր բաժանորդների հարմարավետությունը եւ մենք առաջարկում ենք պարզ եւ հարմար առցանց լուծումների լայն ընտրություն։ Մեր բաժանորդները առցանց կարող են ծառայություններ ակտիվացնել, հեռախոսներ կամ SIM քարտեր պատվիրել եւ վճարել Beeline կապի ծառայությունների համար։ Իսկ այժմ «Ամերիաբանկ»-ի հետ միասին գործարկած մեր համակարգի շնորհիվ օգտատերերը կարող են առցանց վճարել ոչ միայն Beeline-ի, այլ նաեւ այլ ծառայությությունների դիմաց՝ առանց ժամանակի կորստի եւ  որեւէ միջնորդավճարի»,- նշել է Հայաստանում Beeline-ի Գլխավոր տնօրեն Անդրեյ Պյատախինը:

«Կարեւորելով առցանց ծառայությունների զարգացումը՝ մենք շարունակում ենք հանդես գալ նորամուծություններով եւ միաժամանակ ողջունում ենք այդ ուղղությամբ նոր նախաձեռնությունները` մեր մասնակցությունն ունենալով նման գործընթացներում: Beeline-ի հետ Ամերիաբանկի հերթական համագործակցությունը միտված է հաճախորդների համար վճարումների կատարման առավելագույն հարմարավետության ապահովմանը, ցանկացած բանկի  ԱրՔա,Visa եւ MasterCard համակարգերի շրջանակներում թողարկված վճարային քարտերով առցանց վճարումների նոր հնարավորությունների ստեղծմանը»,- նշել է Ամերիաբանկի Տեխնոլոգիաների եւ գործառնությունների գծով տնօրեն Բուրաստան Մովսիսյանը:

pay.beeline.am կայքից օգտվելու համար անհրաժեշտ է մուտքագրել քաղաքային հեռախոսահամարը կամ տվյալ կոմունալ ծառայության անհատական կոդը, բանկային քարտի տվյալները եւ վճարվող գումարի չափը: Համակարգում հնարավոր է տեսնել նախորդ ամիսների վճարային կտրոնները եւ անհրաժեշտության դեպքում տպել դրանք, կամ ուղարկել էլ. հասցեին:

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

banks
mediamax
sport
bravo