Վարչապետը թվայնացման ոլորտում կոնկրետ ծրագրեր է ակնկալում

Լուսանկարը՝ Photolure

Լուսանկարը՝ Photolure

 

Վարչապետը թվայնացման ոլորտում կոնկրետ ծրագրեր է ակնկալում

 

12:30 | 23.11.17 | Նորություններ | visibility 4217

ՀՀ վարչապետ Կարեն Կարապետյանը կառավարության այսօրվա նիստում անդրադարձել է թվային օրակարգի շրջանակում կարճաժամկետ կոնկրետ ծրագրերի մշակման եւ իրագործման անհրաժեշտությանը:



«Ավարտին են հասցվում «Հայաստանի թվային օրակարգ 2030» երկարաժամկետ ռազմավարության մշակման աշխատանքները։ Միաժամանակ, անհրաժեշտ է երկարաժամկետ ռազմավարական ծրագրին զուգահեռ իրականացնել կարճաժամկետ կոնկրետ ծրագրերի մշակման եւ դրանց իրագործման աշխատանքները հատկապես այն ոլորտներում, որտեղ թվայնացման գործընթացի իրականացումն առաջնահերթ է»,- նշել է Կարեն Կարապետյանը:

Հանրապետական գործադիր մարմինների ղեկավարներին հանձնարարվել է 3-օրյա ժամկետում կառավարության աշխատակազմ ներկայացնել թվայնացման փոխակերպումը համակարգող պատասխանատու բարձրաստիճան պաշտոնատար անձանց թեկնածություններ՝ ըստ ոլորտների:

Բացի այդ, հանձնարարվել է 2-շաբաթյա ժամկետում մշակել եւ կառավարության աշխատակազմ ներկայացնել 2018թ. թվային փոխակերպման գործողությունների ծրագրի վերաբերյալ առաջարկություններ՝ «Թվային Հայաստան» հիմնադրամի կարծիքը ստանալու համար։

Մասնավորապես, հանձնարարվել է անդրադառնալ հետեւյալ ոլորտներում թվային գործիքների ներդրմանը՝

- Կառավարման փոխգործունակության պլատֆորմի եւ հանրային ծառայությունների կառավարման «մեկ պատուհանի» ներդրում,
- Բնական ռեսուրսների եւ հողերի կառավարում,
- Խոշորացված համայնքներում պետական (մասնավորապես` սոցիալական), համայնքային եւ այլ ծառայությունների էլեկտրոնային եղանակով մատուցում եւ դրա ենթակառուցվածքների ձեւավորում,
- Տեսչական մարմինների էլեկտրոնային կառավարում եւ այլն։

Վարչապետը կոչ է արել թվային միջավայրի ձեւավորման շրջանակում համապատասխան միջազգային աջակցության ստացման գործընթացների կազմակերպումն իրականացնել բացառապես «Թվային Հայաստան» հիմնադրամի հետ համատեղ։

«Թվային Հայաստան» հիմնադրամի գործադիր տնօրենին էլ հանձնարարվել է վերոհիշյալ առաջարկությունները ստանալուն պես ամփոփել եւ 1-ամսյա ժամկետում կառավարության աշխատակազմ ներկայացնել 2018թ. թվայնացման գործողությունների ծրագիրը՝ նշելով միջոցառումների կատարման հստակ ժամկետներ եւ պատասխանատուներ։

ՀՀ վարչապետ Կարեն Կարապետյանը կառավարության այսօրվա նիստում անդրադարձել է թվային օրակարգի շրջանակում կարճաժամկետ կոնկրետ ծրագրերի մշակման եւ իրագործման անհրաժեշտությանը:

«Ավարտին են հասցվում «Հայաստանի թվային օրակարգ 2030» երկարաժամկետ ռազմավարության մշակման աշխատանքները։ Միաժամանակ, անհրաժեշտ է երկարաժամկետ ռազմավարական ծրագրին զուգահեռ իրականացնել կարճաժամկետ կոնկրետ ծրագրերի մշակման եւ դրանց իրագործման աշխատանքները հատկապես այն ոլորտներում, որտեղ թվայնացման գործընթացի իրականացումն առաջնահերթ է»,- նշել է Կարեն Կարապետյանը:

Հանրապետական գործադիր մարմինների ղեկավարներին հանձնարարվել է 3-օրյա ժամկետում կառավարության աշխատակազմ ներկայացնել թվայնացման փոխակերպումը համակարգող պատասխանատու բարձրաստիճան պաշտոնատար անձանց թեկնածություններ՝ ըստ ոլորտների:

Բացի այդ, հանձնարարվել է 2-շաբաթյա ժամկետում մշակել եւ կառավարության աշխատակազմ ներկայացնել 2018թ. թվային փոխակերպման գործողությունների ծրագրի վերաբերյալ առաջարկություններ՝ «Թվային Հայաստան» հիմնադրամի կարծիքը ստանալու համար։

Մասնավորապես, հանձնարարվել է անդրադառնալ հետեւյալ ոլորտներում թվային գործիքների ներդրմանը՝

- Կառավարման փոխգործունակության պլատֆորմի եւ հանրային ծառայությունների կառավարման «մեկ պատուհանի» ներդրում,
- Բնական ռեսուրսների եւ հողերի կառավարում,
- Խոշորացված համայնքներում պետական (մասնավորապես` սոցիալական), համայնքային եւ այլ ծառայությունների էլեկտրոնային եղանակով մատուցում եւ դրա ենթակառուցվածքների ձեւավորում,
- Տեսչական մարմինների էլեկտրոնային կառավարում եւ այլն։

Վարչապետը կոչ է արել թվային միջավայրի ձեւավորման շրջանակում համապատասխան միջազգային աջակցության ստացման գործընթացների կազմակերպումն իրականացնել բացառապես «Թվային Հայաստան» հիմնադրամի հետ համատեղ։

«Թվային Հայաստան» հիմնադրամի գործադիր տնօրենին էլ հանձնարարվել է վերոհիշյալ առաջարկությունները ստանալուն պես ամփոփել եւ 1-ամսյա ժամկետում կառավարության աշխատակազմ ներկայացնել 2018թ. թվայնացման գործողությունների ծրագիրը՝ նշելով միջոցառումների կատարման հստակ ժամկետներ եւ պատասխանատուներ։

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

banks
mediamax
sport
bravo