Code in the Dark

29 Ապր 2018
Buro

Մրցույթը հաքաթոնի ֆորմատի սպորտային տարբերակն է
Գրանցվել

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Կարեն Վարդանյան

Union of Information Technology Enterprises

ԻՏՁՄ գործադիր տնօրեն

Նինա Աչաջյան

HIVE

HIVE ներդրումային հիմնադրամի հիմնադիր

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

inKin

Սոցիալական ֆիթնեսի հայ-ռուսական հարթակ

Mashtots

Արեւմտահայերեն սովորեցնող հավելված

Sololearn

Ծրագրավորում սովորեցնող ամենամեծ մոբայլ հարթակը

HIKEArmenia

Գտնել Հայաստանում նոր արշավային ուղիներ, կապվելտեղացի արշավ-էքսկուրսավար մասնագետների հետ

ARMOJI

Հայկական էմոջիների առաջին հավելվածը

Velopark

Հեծանվային կայանատեղիների, սպասարկման կետերի որոնում

Cartly

Մթերքի օնլայն գնում

Melon Splash

Փրկել փոքրիկ կենդանիներին

IT պատանիներ. Հայկ Հյուսիսյան

Ապացուցված է, որ տեխնոլոգիաների հանդեպ սերը ծնվում է մանկուց: Այսօր աշակերտները դպրոց են հաճախում սմարթֆոնով, իսկ դասերը պատրաստում՝ պլանշետով:

Այսօր Հայաստանում շատ են պատանիները, որոնք սմարթֆոն եւ պլանշետ օգտագործելուց բացի, իրենք են փորձում ինչ-որ բան ստեղծել՝ խաղ, հավելված կամ ծրագիր:

Itel.am-ը «IT պատանիներ» շարքում ներկայացնում է վաղ տարիքից տեխնոլոգիաներով հետաքրքրվող եւ այս ոլորտում պրոդուկտ ստեղծող հայ պատանիների:

10-ամյա Հայկ Հյուսիսյանը հնագիտության ոլորտում տեխնոլոգիաներ է մշակում, ռոբոտներ պատրաստում եւ հետաքրքրվում VR (վիրտուալ իրականության) տեխնոլոգիաներով:

«5 տարեկանից եմ տեխնոլոգիաներով հետաքրքրվում, երբ առաջին անգամ սկսեցի համակարգչային խաղ խաղալ: Եղբայրս համակարգիչ էր ներբեռնել Need for Speed խաղը: Շատ հավանեցի, ամեն օր խնդրում էի, որ միացներ ու մոտ կես ժամ խաղայի: 8-9 տարեկան էի, երբ ծնողներս ինձ նվիրեցին իմ առաջին հեռախոսը՝ Samsung Galaxy J1: Տարբեր խաղեր եմ խաղում, որոնք օգնում են, օրինակ, բառապաշարս բարելավել, նկար գուշակել»,- պատմում է նա:

Անցած տարի Հայկը հաճախել է նաեւ պատանի հնագետի խմբակ.


Լուսանկարը՝ Մեդիամաքս


«Ստեղծել եմ մեխանիկական ձեռք, որը հնարավորություն է տալիս ոսկորները հանել պեղումների ժամանակ: Եթե ձեռքով անես այդ գործընթացը, կարող են օրգանիզմ ներթափանցել շատ թունավոր նյութեր: Գործիքով աշխատելիս ոսկորները կարող են կոտրվել, ԴՆԹ-ն հնարավոր է` չպարզվի, այդ խնդիրներից խուսափելու համար եմ այս ձեռքը մշակել: Պատրաստել եմ մեկ այլ մեխանիզմ եւս՝ Duster-ը: Այն կարողանում է մաքրել սեպագրերը, իսկ երբ մութ է, հատուկ լամպը լուսավորում է աշխատանքդ»,- պատմում է Հայկը:
Հայկ Հյուսիսյանը

Հայկ Հյուսիսյանը
Լուսանկարը՝ Մեդիամաքս


Պատանի հնագետը նաեւ ոոբոտաշինությամբ է հետաքրքրվում.

««Արմաթ» խմբակում սկսեցի զարգացնել գիտելիքներս, տեխնիկայի հետ աշխատել, եւ ռոբոտներ ստեղծել: Ստեղծել եմ նաեւ VR ակնոցներ: Դա արեցի այն բանից հետո, երբ ռոբոտաշինության խմբակով այցելեցինք Arloopa ընկերություն, որտեղ մեզ VR ակնոցներ ցույց տվեցին: Ես շատ էի տպավորվել եւ ինքս պատրաստեցի ակնոցներ, որոնցով հիմա հնարավոր է VR նայել»:

Հայկը ծրագրում է առաջիկա մեկ տարում զարգացնել ինժեներական գիտելիքները եւ պատրաստել ավելի լավ գործիքներ, որոնք կխթանեն հնագիտության զարգացումը:
Հայկ Հյուսիսյանը

Հայկ Հյուսիսյանը
Լուսանկարը՝ Մեդիամաքս


«Մասնագիտություն դեռ չեմ ընտրել, բայց երեք սիրելի մասնագիտություն ունեմ: Առաջինը հնագիտությունն է, որպեսզի պեղեմ եւ իմանամ անցյալի մադկանց առօրյաի, ապրելակերպի, հողի շերտերի մասին: Երկրորդը՝ բժիշկն է. տատիկս բժիշկ է, եւ ես էլ եմ ցանկանում դառնալ բժիշկ: Իսկ երրորդը՝ ինժեներությունն է. ցանկանում եմ ինքս տեխնիկա ստեղծել»,- պատմում է Հայկը:

Բլից հարցեր՝

- Ֆուտբո՞լ, թե՞ տանը՝ համակարգչային խաղ:

- Երկուսն էլ: Եթե բակում մարդ չլինի, չեմ իջնի բակ: Կարծում եմ՝ VR խաղերն իրական կյանքը չեն փոխարինում: Ավելի լավ է իրականում ինչ-որ զբաղմունք ունենաս, քան գնաս տուն եւ նստես համակարգչի առջեւ: Օրական 2-3 ժամ եմ անցկացնում համակարգչի մոտ: Շատ եմ սիրում ստրատեգիա ժանրի խաղեր, քանի որ դրանք մտածել են ստիպում:

- Աշխարհի երեսից վերացել են համակարգիչներն ու սմարթֆոնները, ի՞նչ կանեիր:

- Կփորձեի ինքս ստեղծել, բայց այնպես ստեղծեի, որ դրանք այլեւս վերացնել չլիներ: Նաեւ այնպիսի նյութերով դրանք կստեղծեի, որ բնությանը չվնասեին:

- Ինչի՞ վրա կծախսեիր վաստակածդ առաջին միլիոնը:

- Իսկ կլինի՞ մեկ միլիոնից ավելը (ծիծաղում է – խմբ.): Օրինակ՝ 2 միլիոնը կծախսեի այսպես՝ մեր դասարանում լսողության խնդիրներ ունեցող երեխաներ կան, որոնք չունեն ապարատներ, գումարի մի մասը կծախսեի երեխաների համար ապարատներ գնելու վրա, իսկ մյուս միլիոնը՝ Hyusisyan կորպորացիայի զարգացման վրա:

- Արձակուրդ Սիլիկոնյան հովտո՞ւմ, թե՞ հանգիստ Մալդիվյան կղզիներում:

- Շատ կուզենայի հանգստանալ անտառում եւ լեռներով շրջապատված վայրում, կողքովս էլ գետ հոսեր (ծիծաղում է – խմբ.):

- ՏՏ ո՞ր հայտնի դեմքի հետ կցանկանայիր ճաշել:

- Սթիվ Ջոբսի հետ: Կհարցնեի, թե ինչպես է ստացվել iPhone-ը դարձնել նման կատարյալ սմարթֆոն: Կուտեինք սթեյք, խորոված, քյաբաբ:                                                                                                                                                                                                                                                                                                                                                                                                                                                                                                            
Նարինե Դանեղյան
Լուսանկարները՝ Էմին Արիստակեսյանի

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo