«ԱրմԹեք’17»-ում կքննարկվեն կիբերանվտանգության հիմնախնդիրները

Photolure

Photolure

 

«ԱրմԹեք’17»-ում կքննարկվեն կիբերանվտանգության հիմնախնդիրները

 

17:01 | 15.09.17 | Նորություններ | visibility 2098

Սեպտեմբերի 27-ին կկայանա բարձր տեխնոլոգիաների ոլորտի 10-րդ`«ԱրմԹեք 2017» ամենամյա համաժողովը:



Այս մասին հայտնել է ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը:

Ինչպես նշել են նախարարությունում, ՀՀ վարչապետի բարձր հովանու ներքո անցկացվող «ԱրմԹեք» համաժողովը նպատակ ունի աջակցելու Հայաստանի բարձր տեխնոլոգիաների ոլորտի զարգացմանը՝ խթանելով միջազգային գործարար կապերի ամրապնդումը եւ ներդրումների աճը:

Առաջին «ԱրմԹեք»-ը տեղի է ունեցել 2007-ին Սան Ֆրանցիսկոյում (ԱՄՆ), որից հետո համաժողովն ամեն տարի հաջորդաբար տեղի է ունենում Հայաստանում եւ ԱՄՆ-ում:

«Նախատեսվում է, որ «ԱրմԹեք'17»-ը կունենա ավելի քան 200 մասնակից` բարձր տեխնոլոգիաների ոլորտի համաշխարհային ճանաչում ունեցող ընկերությունների ղեկավարներ, հեղինակավոր համալսարանների ու գիտական կենտրոնների ներկայացուցիչներ, ոլորտը ներկայացնող միջազգային կազմակերպությունների տնօրեններ Ռուսաստանից, ԱՄՆ-ից ու Եվրոպայի տարբեր երկրներից»,- ասել է Վահան Մարտիրոսյանը:

Նա տեղեկացրել է, որ Հայաստանի Կիբերանվտանգության ռազմավարությունն արդեն պատրաստ է եւ շուտով կներկայացվի Անվտանգության խորհրդի քննարկմանն ու կհրապարակվի:

«Ձեռնարկությունների ինկուբատոր» հիմնադրամի տնօրեն Բագրատ Ենգիբարյանն էլ ներկայացրել է համաժողովի օրակարգի հիմնական ուղղությունները՝  կիբերանվտանգություն, այս ոլորտում տարբեր երկրների կիրառած փորձը, կիբերանվտանգության մասնագետների արդի խնդիրներն ու մարտահրավերները, կիբեր սպառնալիքներն ու պաշտպանվելու հնարավորությունները՝ մասնավոր եւ հանրային հատվածում։

«Բարձր տեխնոլոգիաները որքան զարգանում են, այնքան կիբերանվտանգության խնդիրն ավելի ու ավելի է արդիական դառնում: Մենք այս թեման քննարկելու ենք, ոչ թե որովհետեւ հայկական ինտերնետի վրա կիբերհարձակումները շատ են, այլ որովհետեւ այս թեմայով փորձ եւ ասելիք ունենք»,- նշել է Բագրատ Ենգիբարյանը:

Նրա խոսքով՝ Հայաստանում ՏՏ ոլորտի ընկերությունների թիվը, վերջին տվյալներով, հասել է 500-ի, որոնց տարեկան շրջանառությունն անցնում է $6 մլն շեմը:

Սեպտեմբերի 27-ին կկայանա բարձր տեխնոլոգիաների ոլորտի 10-րդ`«ԱրմԹեք 2017» ամենամյա համաժողովը:

Այս մասին հայտնել է ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը:

Ինչպես նշել են նախարարությունում, ՀՀ վարչապետի բարձր հովանու ներքո անցկացվող «ԱրմԹեք» համաժողովը նպատակ ունի աջակցելու Հայաստանի բարձր տեխնոլոգիաների ոլորտի զարգացմանը՝ խթանելով միջազգային գործարար կապերի ամրապնդումը եւ ներդրումների աճը:

Առաջին «ԱրմԹեք»-ը տեղի է ունեցել 2007-ին Սան Ֆրանցիսկոյում (ԱՄՆ), որից հետո համաժողովն ամեն տարի հաջորդաբար տեղի է ունենում Հայաստանում եւ ԱՄՆ-ում:

«Նախատեսվում է, որ «ԱրմԹեք'17»-ը կունենա ավելի քան 200 մասնակից` բարձր տեխնոլոգիաների ոլորտի համաշխարհային ճանաչում ունեցող ընկերությունների ղեկավարներ, հեղինակավոր համալսարանների ու գիտական կենտրոնների ներկայացուցիչներ, ոլորտը ներկայացնող միջազգային կազմակերպությունների տնօրեններ Ռուսաստանից, ԱՄՆ-ից ու Եվրոպայի տարբեր երկրներից»,- ասել է Վահան Մարտիրոսյանը:

Նա տեղեկացրել է, որ Հայաստանի Կիբերանվտանգության ռազմավարությունն արդեն պատրաստ է եւ շուտով կներկայացվի Անվտանգության խորհրդի քննարկմանն ու կհրապարակվի:

«Ձեռնարկությունների ինկուբատոր» հիմնադրամի տնօրեն Բագրատ Ենգիբարյանն էլ ներկայացրել է համաժողովի օրակարգի հիմնական ուղղությունները՝  կիբերանվտանգություն, այս ոլորտում տարբեր երկրների կիրառած փորձը, կիբերանվտանգության մասնագետների արդի խնդիրներն ու մարտահրավերները, կիբեր սպառնալիքներն ու պաշտպանվելու հնարավորությունները՝ մասնավոր եւ հանրային հատվածում։

«Բարձր տեխնոլոգիաները որքան զարգանում են, այնքան կիբերանվտանգության խնդիրն ավելի ու ավելի է արդիական դառնում: Մենք այս թեման քննարկելու ենք, ոչ թե որովհետեւ հայկական ինտերնետի վրա կիբերհարձակումները շատ են, այլ որովհետեւ այս թեմայով փորձ եւ ասելիք ունենք»,- նշել է Բագրատ Ենգիբարյանը:

Նրա խոսքով՝ Հայաստանում ՏՏ ոլորտի ընկերությունների թիվը, վերջին տվյալներով, հասել է 500-ի, որոնց տարեկան շրջանառությունն անցնում է $6 մլն շեմը:

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

banks
mediamax
sport
bravo