Բառուբան՝ ուղեղի վարժանք հավելվածի միջոցով

 

Բառուբան՝ ուղեղի վարժանք հավելվածի միջոցով

 

11:12 | 13.07.17 | Հոդվածներ | visibility 8948

«Բառուբան» անվճար ինտելեկտուալ ժամանցային խաղը կօգնի ի հայտ բերել մտքի ու բառարանների մոռացված էջեր, յուրացնել նոր բառեր, զարգացնել արագ եւ ճկուն մտածելու կարողությունը։



Գարնանը գործարկված հայալեզու խաղն արդեն շուրջ 10 հազ. ներբեռնում ունի եւ հասանելի է AppStore-ում, Google Play-ում եւ կայքում:  

Itel.am-ի հետ զրույցում խաղի ստեղծող Հովհաննես Սահակյանը նշել է, որ խաղը կհավանեն հատկապես խաչբառների, հանելուկների, գլուխկոտրուկների (Scrabble, Word Search) սիրահարները:

«Խաղում են բոլորը, երեխաներից մինչեւ թոշակառուներ, շատ ակտիվ են լեզվաբանները: Խաղի կանոնները հետեւյալն են՝ առաջադրված բառի տառակույտից սահմանված ժամանակի ընթացքում հարկավոր է կազմել նոր գոյականներ: Հաղթում է այն մասնակիցը, որը կազմում է առավելագույն թվաքանակով բառեր: Խաղը հնարավորություն է տալիս զարգացնել արագամտությունը, վերհիշել մի շարք մոռացված բառեր, միմյանցից սովորել նորերը, բառարաններից ստուգումների շնորհիվ հարստացնել բառապաշարը, ուղղագրությունը կատարելագործել, եւ ի վերջո՝ հաճելի եւ օգտակար ժամանակ անցկացնել հարազատների ու ընկերների հետ»,- պատմել է խաղի հեղինակը:

Հովհաննես Սահակյանի խոսքով՝ խաղը երեխաներին կսովորեցնի յուրացնել ու պահպանել մայրենին, երիտասարդությանը հնարավորություն կտա ինտելեկտուալ հաղորդակցությունից հաճույք ստանալ, իսկ տարեց մարդկանց համար կծառայի որպես «ուղեղի վարժանք»:

Խաղի ստեղծման միտքն առաջացել է դեռ մի քանի տարի առաջ, սակայն աշխատանքները սկսել են անցած տարեվերջին, որոնց մասնակցել է նաեւ հեղինակի քույրը Նարինեն:  

«Իմ հասակակիցների մոտ լավ տպավորվել են ցուրտ ու մութ տարիները, երբ ընտանիքով/ընկերներով հավաքվում էինք միասին ու բառախաղեր խաղում։ Միշտ ցանկություն կար «հետ բերել» այդ լավ ավանդույթները, սակայն, ափսոս, դա այդքան էլ հեշտ չէ անել, ուստի որոշեցի խաղը, ժամանակին համահունչ, թվային դարձնել: Հիմա աշխարհի բոլոր ծայրերից կարող ենք միանալ ու միասին Բառուբան խաղալ»,- պատմել է խաղի ստեղծողը:

Հովհաննես Սահակյանը հավելել է, որ խաղը ստեղծելու հիմնական շարժառիթներից է եղել նաեւ դուստրը՝ Էլենը։

«Ընկերներիցս շատերը գրում են, որ իրենց երեխաները եւս հավանել են խաղը եւ մեծ սիրով խաղում են: Կարծում եմ մեր օրերի «հիմար» եւ ագրեսիվ խաղերի փոխարեն «Բառուբանը» կարող է մեծ օգուտ բերել մեր երեխաներին»,- ամփոփել է Բառուբանի հիմնադիրը:

Նարինե Դանեղյան

«Բառուբան» անվճար ինտելեկտուալ ժամանցային խաղը կօգնի ի հայտ բերել մտքի ու բառարանների մոռացված էջեր, յուրացնել նոր բառեր, զարգացնել արագ եւ ճկուն մտածելու կարողությունը։

Գարնանը գործարկված հայալեզու խաղն արդեն շուրջ 10 հազ. ներբեռնում ունի եւ հասանելի է AppStore-ում, Google Play-ում եւ կայքում:  

Itel.am-ի հետ զրույցում խաղի ստեղծող Հովհաննես Սահակյանը նշել է, որ խաղը կհավանեն հատկապես խաչբառների, հանելուկների, գլուխկոտրուկների (Scrabble, Word Search) սիրահարները:

«Խաղում են բոլորը, երեխաներից մինչեւ թոշակառուներ, շատ ակտիվ են լեզվաբանները: Խաղի կանոնները հետեւյալն են՝ առաջադրված բառի տառակույտից սահմանված ժամանակի ընթացքում հարկավոր է կազմել նոր գոյականներ: Հաղթում է այն մասնակիցը, որը կազմում է առավելագույն թվաքանակով բառեր: Խաղը հնարավորություն է տալիս զարգացնել արագամտությունը, վերհիշել մի շարք մոռացված բառեր, միմյանցից սովորել նորերը, բառարաններից ստուգումների շնորհիվ հարստացնել բառապաշարը, ուղղագրությունը կատարելագործել, եւ ի վերջո՝ հաճելի եւ օգտակար ժամանակ անցկացնել հարազատների ու ընկերների հետ»,- պատմել է խաղի հեղինակը:

Հովհաննես Սահակյանի խոսքով՝ խաղը երեխաներին կսովորեցնի յուրացնել ու պահպանել մայրենին, երիտասարդությանը հնարավորություն կտա ինտելեկտուալ հաղորդակցությունից հաճույք ստանալ, իսկ տարեց մարդկանց համար կծառայի որպես «ուղեղի վարժանք»:

Խաղի ստեղծման միտքն առաջացել է դեռ մի քանի տարի առաջ, սակայն աշխատանքները սկսել են անցած տարեվերջին, որոնց մասնակցել է նաեւ հեղինակի քույրը Նարինեն:  

«Իմ հասակակիցների մոտ լավ տպավորվել են ցուրտ ու մութ տարիները, երբ ընտանիքով/ընկերներով հավաքվում էինք միասին ու բառախաղեր խաղում։ Միշտ ցանկություն կար «հետ բերել» այդ լավ ավանդույթները, սակայն, ափսոս, դա այդքան էլ հեշտ չէ անել, ուստի որոշեցի խաղը, ժամանակին համահունչ, թվային դարձնել: Հիմա աշխարհի բոլոր ծայրերից կարող ենք միանալ ու միասին Բառուբան խաղալ»,- պատմել է խաղի ստեղծողը:

Հովհաննես Սահակյանը հավելել է, որ խաղը ստեղծելու հիմնական շարժառիթներից է եղել նաեւ դուստրը՝ Էլենը։

«Ընկերներիցս շատերը գրում են, որ իրենց երեխաները եւս հավանել են խաղը եւ մեծ սիրով խաղում են: Կարծում եմ մեր օրերի «հիմար» եւ ագրեսիվ խաղերի փոխարեն «Բառուբանը» կարող է մեծ օգուտ բերել մեր երեխաներին»,- ամփոփել է Բառուբանի հիմնադիրը:

Նարինե Դանեղյան

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

banks
mediamax
sport
bravo