Code in the Dark

29 Ապր 2018
Buro

Մրցույթը հաքաթոնի ֆորմատի սպորտային տարբերակն է
Գրանցվել

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Կարեն Վարդանյան

Union of Information Technology Enterprises

ԻՏՁՄ գործադիր տնօրեն

Նինա Աչաջյան

HIVE

HIVE ներդրումային հիմնադրամի հիմնադիր

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

inKin

Սոցիալական ֆիթնեսի հայ-ռուսական հարթակ

Mashtots

Արեւմտահայերեն սովորեցնող հավելված

Sololearn

Ծրագրավորում սովորեցնող ամենամեծ մոբայլ հարթակը

HIKEArmenia

Գտնել Հայաստանում նոր արշավային ուղիներ, կապվելտեղացի արշավ-էքսկուրսավար մասնագետների հետ

ARMOJI

Հայկական էմոջիների առաջին հավելվածը

Velopark

Հեծանվային կայանատեղիների, սպասարկման կետերի որոնում

Cartly

Մթերքի օնլայն գնում

Melon Splash

Փրկել փոքրիկ կենդանիներին

Buildit-ի հիմնադիրը՝ Էստոնիայի հաջող փորձի եւ ստարտափ սխալների մասին

Փետրվարի 9-10-ը Լատվիայի մայրաքաղաք Ռիգայում կայացել է TechChill տեխնոլոգիական միջոցառումը, որը 26 երկրից հյուրընկալել է 1000-ից ավելի ներդրողների, ստարտափների հիմնադիրների, ձեռներեցների եւ էկոհամակարգի այլ ներկայացուցիչների:

TechChill-ի կազմակերպիչը TechHub Riga-ն է, գլխավոր հովանավորներն են ALTUM, TWINO եւ Printful ընկերությունները:

Ալեքսանդր Թոնիսոնն Էստոնիայի Տարտու քաղաքում գործող Buildit աքսելերատորի համահիմնադիրն է եւ գործադիր տնօրենը: Buildit-ը Հյուսիսային եւ Արեւելյան Եվրոպայում առաջին աքսելերատորն է, որը կենտրոնացած է hardware ստարտափներում կատարվող ներդրումների ուղղությամբ: Աքսելերատորին կարող են դիմել ստարտափներ ամբողջ աշխարհից: Ընտրված թիմերը, մենթորներից ստացած խորհրդատվությունից եւ կապերից բացի, ստանում են €3000 ներդրում:

Itel.am-ի լրագրողը ներկա է եղել TechChill-ին եւ զրուցել Ալեքսանդր Թոնիսոնի հետ:

- Buildit աքսելերատորում հայկական ստարտափները ներկայացված եղե՞լ են:

- Այս ընթացքում հայկական որեւէ ստարտափ չի մասնակցել մեր ծրագրին, չգիտեմ, թե քանի հայտ է ստացվել Հայաստանից, կարծում եմ՝ մի քանիսը եղել են՝ հաշվի առնելով այն, որ հայտեր ստանում ենք աշխարհի 60 երկրից:

Մենք փնտրում ենք hardware ստարտափներ, սակայն ուշադրության են արժանանում նաեւ այն ստարտափները, որոնք ստեղծագործական արդյունաբերության (creative industry) լուծումներ են ներկայացնում: Լավագույն տարբերակն այն է, երբ ստարտափը միավորում է այս երկու հատկանիշները:

Այս պահին աքսելերացիոն ծրագիրն ընթանում է տարին երկու անգամ: Յուրաքանչյուր ծրագիր տեւում է 6 շաբաթ: Հարկավոր է լրացնել կայքում առկա դիմում հայտը:

- Հաշվի առնելով ձեր՝ ստարտափներից հայտեր ստանալու փորձը, որո՞նք են գլխավոր սխալները, որ գործում են ստարտափները հայտը լրացնելիս:

- Ամենամեծ սխալներից է այն, որ թիմերը, չափազանց երկար մտածելով իրենց գաղափարի մասին, մոռանում են, որ հայտը կարդացողն առաջին անգամ է ծանոթանում գաղափարին: Հաճախ ենք հանդիպում կարճ պատասխանների այնպիսի հարցերի դեպքում, որոնք իսկապես կարեւոր են: Օրինակ, հարցը, թե ովքեր են ձեր մրցակիցները, հիմնականում ունի հետեւյալ շաբլոն պատասխանը՝ «Մենք մրցակիցներ չունենք», ինչը միշտ սխալ է: Հավատացնում եմ՝ աշխարհում չկա որեւէ պրոդուկտ, որը չունենա մրցակիցներ: Այնպես որ, որքան շատ ինֆորմացիա նշված լինի հայտում, այնքան լավ:  

Մյուս սխալն այն է, որ հաճախ թիմերը չեն զգում կամ ուշադրություն չեն դարձնում այն երեւույթին, որ վաղ շրջանում ներդրումը ոչ թե պրոդուկտում է կատարվում, այլ թիմում: Պետք է հայտում շեշտը դնել թիմի վրա, նշել, թե ինչ համատեղ փորձ ունեք, ինչ ծրագրեր եք միասին իրականացրել, երբվանից եք ճանաչում միմյանց:

Ներդրողի տեսանկյունից շատ կարեւոր է, որ դա չլինի ձեր թիմի՝ միասին մշակած առաջին պրոդուկտը: «Մենք միմյանց ճանաչում ենք 6 ամիս» արտահայտությունն այնքան էլ չի օգնում: Ներդրողը ցանկանում է լսել, թե որտեղ եք հանդիպել, ինչ պայմաններում: Այնպես որ տրամադրե՛ք հնարավորինս շատ տեղեկատվություն թիմի մասին, քանի որ ձեր առաքելությունն է համոզել, որ թիմն ուժեղ է:

Գաղափարը, բիզնես մոդելը հեշտորեն կարելի է փոխել, ինչը չի կարելի անել թիմի դեպքում:

Ալեքսանդր Թոնիսոնը եւ Նարինե Դանեղյանը

Ալեքսանդր Թոնիսոնը եւ Նարինե Դանեղյանը
Լուսանկարը՝ Լուսանկարը՝ Ռուսլան Զավացկիի


- Ինչպե՞ս Էստոնիային հաջողվեց դառնալ Եվրոպայի կարեւոր ինովացիոն կենտրոններից մեկը:

- Էստոնիան մեկնարկել է ստարտափ վիզա նախաձեռնությունը, որը թույլ է տալիս արտասահմանից մասնագետներ բերել երկիր, որտեղ նրանք կկարողանան ընկերություն հիմնել եւ աշխատել: Այնպես որ, այսօր բոլոր ստարտափները, այդ թվում՝ Շենգենյան գոտուց դուրս գտնվողները, ողջունվում են մեր երկրում:

Էստոնիայի հաջողությունն ամեն ինչի կոմբինացիան է: Չկա մեկ կոնկրետ գործոն: Դեր են խաղացել հաջողության մի քանի պատմությունները: Ամեն ինչ սկսվեց Skype-ի հաջողությունից, եւ այն ազդակ դարձավ շատ նոր ընկերությունների ստեղծման համար: Այսօր գործում են բազմաթիվ ընկերություններ, որոնք հիմնվել է Skype-ի կամ Skype-ի նախկին աշխատակիցների կողմից:  

Մյուս գործոնն այն է, որ բավական հեշտ է Էստոնիայում ընկերություն գրանցելը: Դա անվճար գործընթաց է՝ ի տարբերություն շատ երկրների, որտեղ դա բավական թանկ է:

Կարեւոր է նաեւ էլեկտրոնային կառավարման համակարգը՝ ամեն ինչ կարող ես անել օնլայն: Բոլորը կարող են դառնալ Էստոնիայի էլեկտրոնային քաղաքացի: Այս պահին արդեն 10 հազ. էլեկտրոնային քաղաքացի ունենք: Դա նշանակում է, որ ստանում եք նույնականացման քարտ եւ կարող եք բիզնես բացել նաեւ հեռակա կարգով:

Էստոնիայում բավական ցածր է կոռուպցիայի ինդեքսը եւ բյուրոկրատիան:
 
Շատ կարեւոր են ուժեղ ստարտափ համայնքի գործոնը եւ դրանից եկող նախաձեռնությունները: Օրինակ, ստարտափ վիզայի նախաձեռնությունը հենց համայնքն է առաջարկել:

Ներդրողների մասին՝ նրանք եւս կրթված են: Գոյություն ունի Էստոնիայի հրեշտակ ներդրողների ասոցիացիա, որը վերջին տարիներին հիանալի գործ է արել՝ պոտենցիալ ներդրողներին կրթելու եւ նրանց հրեշտակ ներդրողի վերածելու առումով: Ներկայում այդ ասոցիացիայի անդամ է ավելի քան 100 ներդրող, որոնք ակտիվորեն ներդրումներ են կատարում տեղական ստարտափներում, այնպես որ, երկրում ավելի հեշտ է դառնում կապիտալ ներգրավելը:

Այս ամենը թվարկելով՝ ցանկանում եմ շեշտել, որ հաջողությունը գործոնների միասնության արդյունք է: Ամեն պարագայում միշտ փոքր քայլերն են, որոնք մեծ վազքատարածությունում որոշիչ են դառնում եւ փոփոխությունների հանգեցնում: Էստոնիային 25 տարի պահանջվեց հասնելու այնտեղ, որտեղ որ այն հիմա է:

Ալեքսանդր Թոնիսոնի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo