Code in the Dark

29 Ապր 2018
Buro

Մրցույթը հաքաթոնի ֆորմատի սպորտային տարբերակն է
Գրանցվել

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

OutChat

Ծանոթանալ եւ հանդիպել 24 ժամ անց

Calculator (APPA)

Հաշվել ԱՊՊԱ-ի հետ կապված ծախսերը

Be Armenian

Հայկական թեմաներով հայալեզու ֆոներ եւ բացիկներ

Servicebrok

Ֆիքսված սակագնով տան ծառայությունների պատվիրում

PicsArt

Lուսանկարների խմբագրման համակարգ

ARMOJI

Հայկական էմոջիների առաջին հավելվածը

Movie Trip

Տեղեկատվություն հայտնի ֆիլմերում ներկայացված վայրերի մասին

gg

Ավտոմեքենա պատվիրելու օնլայն համակարգ

Հոլանդացի ձեռներեց. ՀՀ ստարտափներին բիզնես մտածողությունն է պակասում

Մորիս Բեքենդ Վերվին հոլանդացի ձեռներեց եւ ներդրող է, CrossSpring սաղմնային (seed) աքսելերատորի եւ ինկուբատորի հիմնադիրը:

2016թ. վերջին Հայաստան կատարած այցի շրջանակում ձեռներեցը ծանոթացել էր 25-ից ավելի ստարտափների հետ, մասնակցել Գիտության, տեխնոլոգիաների եւ ձեռներեցության ծրագրի (STEP) վենչուրային կոնֆերանսին եւ Empowering Ideas միջազգային տեխնոլոգիական ֆորումին:

Itel.am-ը Մորիս Բեքենդ Վերվիի հետ զրուցել է հայաստանյան ՏՏ-ից ստացած տպավորությունների եւ եվրոպական թրենդների մասին:

«Հանդիպածս ստարտափներից մի քանիսը հաջողակ են, քանի որ ունեն լավ թիմ, կոմերցիոն եւ տեխնիկական պատրաստվածություն: Մյուս թիմերը, ընդհակառակը, տեխնոլոգիական շատ մասնագետներ ունեն, ինչը, այո, լավ է, սակայն դու պետք է կարողանաս վաճառել քո ստեղծած պրոդուկտը: Հայկական ստարտափների մոտ հիմնականում բիզնեսի մտածողությունն է պակասում»,- նշում է ձեռներեցը՝ հավելելով, որ իր ընկերությունը նախատեսում է մոտ ապագայում ներդրում իրականացնել հայկական ստարտափներից մեկում:

Մորիս Բեքենդ Վերվին խորհուրդ է տալիս հանգամանորեն հետազոտել այն շուկան, որտեղ ստարտափը պատրաստվում է աշխատել:
 
«Հայաստանյան ստարտափների համար Արեւմտյան Եվրոպայի երկրները լավ հնարավորություն են: Դրանք նաեւ կարող են օգտագործվել որպես յուրահատուկ թեստավորման վայր, հասկանալու համար՝ տվյալ թիմը կարողանո՞ւմ է աշխատել միջազգային մակարդակում: Սա նաեւ հնարավորություն է՝ որոշակի գիտելիքներ, ինչպես նաեւ ոչ մեծ ծավալի կապիտալ ներդրումներ ներգրավելու համար: Հայաստան այցի ընթացքում զրուցում էի ստարտափի հայ հիմնադրի հետ, որը նշեց, որ Ֆրանսիայում հանդիպումներ է ունեցել եւ հետաքրքրված է մուտք գործել ֆրանսիական շուկա: Նրան ասեցի՝ «Շատ լավ, բայց նախ ցուցակ կազմիր, կետերով ներառիր այն ամենը, ինչը քո ստարտափի համար կարեւոր է՝ որեւէ երկիր մուտք գործելուց առաջ: Դիտարկիր, թե ինչպիսի ստարտափ ցանց կա այնտեղ, որքանով է ճկուն կառավարությունը, ինչպիսին են օրենքները, Հայաստան վերադառնալու որոշում կայացնելու դեպքում որքան հեշտ ես վերադարձնելու քո ներդրած գումարը»»,- նշում է Մորիս Բեքենդ Վերվին:

Հոլանդացի ձեռներեցի խոսքով՝ այստեղ կարող են նաեւ մշակութային հարցեր ծագել:

«Պետք է կարողանաք հարմարվել այդ միջավայրին: Հնարավոր է, որ հեշտ հարմարվեք Նիդեռլանդներին, սակայն չկարողանաք նույնն անել, օրինակ, Բելգիայում: Տարբերությունները շատ են, բայց դա եւս հիանալի է»,- նշում է նա:

Մորիս Բեքենդ Վերվին ընդգծում է, որ հաճախ հարկավոր է դիտարկել ոչ թե երկիրը, այլ այն տարածաշրջանը, որտեղ գտնվում է այդ երկիրը:

«Դա բավական մանրակրկիտ աշխատանք է, սակայն եթե հետազոտությանը որոշակի ժամանակ տրամադրեք, կտեսնեք, որ Արեւմտյան Եվրոպայի շուկաներում եւս առկա են հնարավորություններ: Ի դեպ, այդ տարածաշրջանը ներկայում փորձում է կառուցել կամուրջներ Արեւելյան Եվրոպայի երկրների հետ»,- ասում է նա:

Հոլանդացի ձեռներեցն ընդգծում է՝ Եվրոպայում այսօր բարդացել է ՏՏ ոլորտում որակյալ մասնագետներ գտնելը:   

«Դա Արեւմտյան Եվրոպայի գլխավոր խնդիրներից է՝ մեծ կորպորացիաները կարիք ունեն բուհերն ավարտած երիտասարդների եւ անմիջապես աշխատանքի են վերցնում նրանց բարձր աշխատավարձով: Արդյունքում մենք ստարտափ էկոհամակարգում ավելի շատ մարդկանց կարիք ունենք»,- նշում է Մորիս Բեքենդ Վերվին:

Գործարարը խորհուրդ է տալիս ավելի շատ ճանապարհորդել եւ կապեր ստեղծել.

«Ցանցի ստեղծումը կարեւոր է, թույլ տվեք, որ դիմացինը ցույց տա, թե ինչ արժեքներ ունի: Գուցե լինեն մի շարք բաներ, որոնք չեք հավանի, բայց ավելի լավ է այդ մասին նախապես իմանալ: Եթե հայկական ստարտափներին հետաքրքրի, ապա կարող են այցելել Նիդեռլանդներ եւ մի քանի օր անվճար անցկացնել մեր գրասենյակում, կապեր հաստատել տեղական ստարտափների հետ: Եվրոպայում կան նմանատիպ այլ կենտրոններ եւս, որոնց հետ մենք կապի մեջ ենք, եւ նրանք եւս ուրախ կլինեն հյուրընկալել այդ ստարտափներին»:

Խոսելով գլոբալ համագործակցությունների մասին՝ Մորիս Բեքենդ Վերվին առաջարկում է Հայաստանին միջնորդ դառնալ այլ երկրների միջեւ:

«Այսօր Իրանը գնալով բացվում է, եւ ես գիտեմ, որ մի շարք հոլանդական ընկերություններ հետաքրքրված են իրանական շուկայով: Նրանք հնարավոր է՝ դժվարությունների հանդիպեն Իրանի հետ ուղիղ բիզնես վարելու առումով: Ինչո՞ւ դա չանել Հայաստանի օգնությամբ: Կարծում եմ` Հայաստանը պետք է այս հարցի շուրջ բանակցի ինչպես Նիդեռլանդների, այնպես էլ Իրանի հետ»,- առաջարկում է հոլանդացի ձեռներեցը:

Մորիս Բեքենդ Վերվիի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo