Code in the Dark

29 Ապր 2018
Buro

Մրցույթը հաքաթոնի ֆորմատի սպորտային տարբերակն է
Գրանցվել

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

OutChat

Ծանոթանալ եւ հանդիպել 24 ժամ անց

Calculator (APPA)

Հաշվել ԱՊՊԱ-ի հետ կապված ծախսերը

Be Armenian

Հայկական թեմաներով հայալեզու ֆոներ եւ բացիկներ

Servicebrok

Ֆիքսված սակագնով տան ծառայությունների պատվիրում

PicsArt

Lուսանկարների խմբագրման համակարգ

ARMOJI

Հայկական էմոջիների առաջին հավելվածը

Movie Trip

Տեղեկատվություն հայտնի ֆիլմերում ներկայացված վայրերի մասին

gg

Ավտոմեքենա պատվիրելու օնլայն համակարգ

Պարիզ դե Լետրազ. Սփյուռքը պետք է առաջ մղի ՀՀ տեխնոլոգիական ներուժը

Մադրիդի IE Business School-ի ձեռներեցության պրոֆեսոր Պարիզ դե Լետրազը հունվարի 25-ին Երեւանում կայացած Eurasia Mobile Challenge մրցույթի տարածաշրջանային կիսաեզրափակչի հյուրերից էր:

Ներդրումային ծրագրերի, բանկային ծառայությունների եւ վենչուրային կապիտալի ոլորտում ավելի քան 20 տարվա աշխատանքային փորձ ունեցող պրոֆեսորը 2005-ից զբաղվում է ֆոնդերի հայթայթման, նոր ընկերությունների ստեղծման, ինչպես նաեւ իր Amazing Lab խմբի միջոցով ընկերությունների առուվաճառքի գործունեությամբ:

Itel.am-ը զրուցել է Պարիզ դե Լետրազի հետ:

- Սա ձեր երկրորդ այցն է Հայաստան եւ, ամենայն հավանականությամբ, արդեն հասցրել եք որոշակի կարծիք կազմել հայաստանյան տեխնոլոգիական ոլորտի մասին: Ինչպիսի՞ն են տպավորությունները:

- Դեռ նախորդ այցի ընթացքում տեղեկացել էի, որ Հայաստանն ունի շատ լավ մասնագետներ, սակայն օգտագործվող տեխնոլոգիաների մեծ մասը հնացած են: Սակայն դա նորմալ է: Վերջին մեկ տարում նկատել եմ, որ Հայաստանում էկոհամակարգը սկսում է ավելի զարգանալ: Դուք ունեք ընկերություններ, որոնք արդեն միջազգային են, եւ ներկայում աշխատում են իրենց պրոդուկտների մշակման գործընթացը Հայաստան տեղափոխելու ուղղությամբ:

Հայաստանը լավ վայր է նաեւ անդրազգային ընկերությունների համար՝ ռուսական շուկա մուտք գործելու առումով: Ուղղակի հարկավոր է ավելի շատ սկսել օգտագործել Սփյուռքը: Սփյուռքի հայերը սիրում են Հայաստանը, եւ պետք է ավելին անել նրանց երկիր վերադարձնելու կամ գոնե որոշակի բիզնես այստեղ հիմնելու համար:

Նկատում եմ նաեւ, որ այստեղ շատ ու շատ ստարտափներ են սկսում կենտրոնանալ այնպիսի պրոդուկտների զարգացման ուղղությամբ, որոնք կարեւոր են լինելու Եվրոպայի համար առաջիկա տարիներին: Ներկայում եվրոպական թրենդների շարքում են կիբեր անվտանգությունը, big data-ն, իրերի ներցանցը (IoT): Սրանք շարունակելու են մեծ զարգացում ապրել առաջիկա տարիներին, եւ հայկական ստարտափների համար այս ուղղություններով զարգացումը մեծ հնարավորություններ կընձեռի:  

Ունենալով այդքան լավ մասնագետներ՝ պարզապես պետք է դադարել լինել աութսորս անող՝ մրցելով այնպիսի երկրների հետ, ինչպիսիք են Հնդկաստանը, Հունգարիան, Չեխիան կամ Բուլղարիան: Հարկավոր է սեփական լուծումներ մշակել առաջատար տեխնոլոգիաների ոլորտում:

- Դուք աշխատանքի փորձ ունեք ինչպես եվրոպական, այնպես էլ ամերիկյան շուկայում: Ո՞ր շուկան կարող է ավելի բարենպաստ լինել հայաստանյան ստարտափների համար:

- Կարծում եմ՝ պետք է երկու շուկաների վրա էլ կենտրոնանալ: Մոտ լինելու տեսանկյունից Եվրոպան ավելի լավ տարբերակ է, իսկ Սփյուռքն օգտագործելու տեսանկյունից Միացյալ Նահանգները լավ ընտրություն է:

Ի դեպ, ես Լոս Անջելեսից եմ, որտեղ կես միլիոնից ավելի հայ է ապրում: Ներկա եմ եղել 3 հայկական հարսանիքի եւ սիրում եմ հայկական մշակույթը: Հայերն ունեն ձեռներեցական մտածողություն: Եթե դիտարկում ենք այն հայերին, որոնք ներկայում Սփյուռքում են, ապա նրանց մեծ մասը ձեռներեցներ են: Այնպես որ, կարծում եմ Հայաստանում աննախադեպ ներուժ կա, պարզապես դրսի հայերը պետք է աջակցեն դրա ներկայացմանը: Իսկապես շատ բան կարելի է անել ԱՄՆ-ում ապրող հայերի միջոցով:

Եվրոպայում մրցակցությունը մեծ է, սակայն կարծում եմ՝ միջազգային ստարտափների համար հնարավորությունները եւս բազմաթիվ են:

- Ձեր կարծիքով՝ ի՞նչն է պակասում հայաստանյան ՏՏ ոլորտին:

-Կարծում եմ՝ հայկական ՏՏ-ին պակասում է այն, որ նրանք ոչ թե գլոբալ են մտածում, այլ լոկալ: Մարդիկ դեռ կարծում են, որ լոկալ աշխատանքը ճիշտ է: Հարկավոր են ավելի շատ միջոցառումներ եւ ՎիմպելԿոմի նման այլ ընկերություններ, որոնք այդ միջոցառումները կկազմակերպեն:

Հարկավոր է կարողանալ սեփական պրոդուկտն ավելի լավ վաճառել: Չի կարելի պարզապես խոսել լավ գաղափարի մասին, այն պետք է գեղեցիկ ձեւով վաճառել:
Հայաստանում մեծ ոգեւորություն է առկա այս առումով, որը սակայն արտահայտել սովորել է պետք:

Ի դեպ, եթե լինի հայկական լավ ստարտափ, կդիտարկեմ դրանում ներդրում կատարելու հնարավորությունը:

Պարիզ դե Լետրազի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo