Հայ մասնագետների մշակած PicsArt մոբայլ հավելվածը, որը նախատեսված է լուսանկարների խմբագրման համար, $20 մլն է ներգրավել DCM Ventures եւ Siguler Guff & Company ընկերություններից:
Ինչպես հաղորդում է Techcrunch-ը, ներգրավված միջոցները PicsArt-ը կուղղի Չինաստանի եւ Ճապոնիայի շուկաներում ստարտափի զարգացմանը:
Թեեւ PicsArt-ը չի հրապարակում, թե կոնկետ քանի օգտատեր ունի ասիական շուկայում, սակայն ընկերությանը գլխավոր մենեջեր Ուիլսոն Կրիգելի խոսքով` այն «բավականին մեծ եւ օրգանիկ աճող համայնք է», որը հիմնականում կենտրոնացած է Չինաստանում եւ Ճապոնիայում:
«Նախատեսվում է լոկալիզացնել PicsArt ֆոտոխմբագրիչը՝ ասիական երկրների համար`ավելացնելով հատուկ այս շուկաներին հարմարեցված նոր clip art-ներ, տառատեսակներ եւ պիտակներ»,- գրում է Techcrunch-ը:
PicsArt-ը ֆոտոխմբագրիչ է եւ միավորում է արվեստասերներին: Այն համարում են Photoshop-ի եւ Instagram-ի խառնուրդ:
14:06 | 20.04.16 |
Նորություններ
ՀՀ-ում ներդրվել է պաշտոնական էլեկտրոնային փոստարկղի համակարգ
