ՀԱՅ  |  РУС  |  ENG
Նորություններ
ԱրմենՏել-ի «Mix» սակագնային փաթեթը հասանելի է իրավաբանական անձանց

//07.08.2012

Երեւան/Մեդիամաքս/. ԱրմենՏելը (Beeline ապրանքանիշ) հայտարարել է, որ  իրավաբանական անձինք այսուհետ կարող են միանալ «Mix» հետվճարային սակագնային փաթեթին` զանգերի, հաղորդագրությունների եւ շարժական ինտերնետի միասնական սակագնով:

Սակագնային փաթեթի փակ խմբի ներսում ելքային զանգի մեկ րոպեի, SMS կամ MMS հաղորդագրության, ինչպես նաեւ ուղարկած/ստացած տվյալների 1ՄԲ գինը կազմում է 4.99 դրամ: «Mix» հետվճարային սակագնային փաթեթին միացումը կամ անցումը յուրաքանչյուր հեռախոսահամարի համար կազմում է 500 դրամ:

Դեպի Beeline բջջային ցանց («Mix» ՍՓ փակ խմբից դուրս)  ելքային զանգի մեկ րոպեի արժեքը կազմում է 9.99 դրամ, իսկ դեպի ՀՀ եւ ԼՂՀ այլ բջջային եւ ֆիքսված ցանցեր` 29.99 դրամ: Ելքային SMS եւ MMS հաղորդագրության արժեքը դեպի Beeline եւ տեղական այլ բջջային ցանցեր կազմում է 8.99 դրամ:

«Կապի բոլոր տեսակների համար առաջարկվող գրավիչ գների շնորհիվ «Mix» սակագնային փաթեթը մեծ պահանջարկ է վայելում անհատ հաճախորդների շրջանում: Այժմ, տվյալների փոխանցման աննախադեպ ցածր սակագինը, զանգերի եւ հաղորդագրությունների մատչելի գների համադրությամբ հասանելի են նաեւ մեր կորպորատիվ բաժանորդներին», - նշել է ԱրմենՏել-ի գլխավոր տնօրեն Իգոր Կլիմկոն:

«Mix» սակագնային փաթեթի բաժանորդներին հասանելի են «Բալանսի փոխանցում» ծառայությունը եւ «Beeline Բոնուս» ծրագիրը:

Վերադառնալ Դիտումների քանակը՝ (972)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք