ՀԱՅ  |  РУС  |  ENG
Նորություններ
ՎիվաՍել-ՄՏՍ-ը պարգեւատրել է էսսեների մրցույթի հաղթողներին

//28.06.2012

Երեւան/Մեդիամաքս/. ՎիվաՍել-ՄՏՍ-ի կարիերայի զարգացման ծրագրի շրջանակներում հայտարարված էսսեների մրցույթի երեք հաղթողներն այսօր արժանացել են պլանշետային HTC համակարգչի, Blackberry 9700 եւ Galaxy Nexus S սմարտֆոնների: Խրախուսական պարգեւներ են ստացել նաեւ տարբեր բուհեր ներկայացնող եւս 8 ուսանող:
 

ՎիվաՍել-ՄՏՍ-ն ամփոփել է մայիսին հայտարարած մրցույթի արդյունքները: Էսսեների միջոցով տեղեկատվական դարաշրջանի դերը գնահատելու համար նախապես առաջարկվել էին հատուկ մշակված թեմաներ.

- Ո՞րն է համացանցի դերը հասարակության կյանքում:

- Ինչպիսի՞ն կարող է լինել բջջային ինտերնետի ազդեցությունը կրթության ոլորտում եւ առօրյա կյանքում:

- Ո՞րն է դրա զարգացման հաջորդ փուլը:

- Կարո՞ղ է, արդյոք, սոցիալական մեդիան փոխել կյանքը:

Բոլոր աշխատանքները գնահատվել են անանուն ստուգման սկզբունքով: Առանձնահատուկ կարեւորվել է հետազոտությունների ընթացքում առցանց տեղեկատվական աղբյուրների կիրառումը:

«Հաջողության հասնելու առաջին քայլն սկսվում է ձգտման պատրաստակամությունից: Կարեւոր է նաեւ տեղեկացված լինելու պայմանը: Համացանցը եւ թվային ապագա ենթադրող տեխնոլոգիաները տալիս են այդ հնարավորությունը: Դրանցից արդյունավետ օգտվելու ընտրությունը ձերն է: Փորձեք կիրառել համակարգված մոտեցում եւ գնահատել սովորելու համար առկա միջավայրը»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Վերադառնալ Դիտումների քանակը՝ (1128)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք