ՀԱՅ  |  РУС  |  ENG
Նորություններ
Facebook-ում գովազդը հասցեական կդառնա

Photo: http://www.techinvestornews.com
//15.06.2012

Երեւան/Մեդիամաքս/. Facebook-ը մտադիր է իրական ժամանակի ռեժիմում գովազդի տեղադրման Facebook Exchange ծառայություն ներդրել:

Ինչպես այսօր գրում է Վեդոմոստին, դրա շնորհիվ գովազդատուները կկարողանան ավելի հասցեական դարձնել իրենց գովազդը սոցիալական ցանցի օգտատերերի համար: Facebook-ի ներկայացուցիչ Էնի Տան պարզաբանել է, որ սոցցանցը կբացահայտի եւ կվերլուծի օգտատերերի նախապատվությունները:

Cookies  ֆայլերի օգնությամբ, որոնցում պահպանվում է տվյալ IP-հասցեից այցելած էջերի մասին տեղեկատվությունը, Facebook-ը մտադիր է պարզել, ինչով են հետաքրքրվում այս կամ այն օգտատերերը եւ ապագայում նրանց համապատասխան բովանդակության գովազդ ցուցադրել:  

Մինչ այժմ նպատակային գովազդը տեղադրվում էր Facebook-ում՝  հաշվի առնելով միայն այն տեղեկությունները, որոնք օգտատերերը հայտնում էին գրանցման ժամանակ, ինչպես նաեւ այն էջերն եւ հղումները, որոնք մարդիկ նշում էին Like կոճակի միջոցով:

Նախորդ տարի Facebook-ի հասույթը գովազդից կազմել է $3,15 մլրդ:

Վերադառնալ Դիտումների քանակը՝ (671)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք