ՀԱՅ  |  РУС  |  ENG
Նորություններ
ԱրմենՏել-ը պարգևատրել է «Մեր հաղթանակների պատմությունները» մրցույթի հաղթողին

«Մեր հաղթանակների պատմությունները» մրցույթի հաղթողը
«Մեր հաղթանակների պատմությունները» մրցույթի հաղթողը
//25.05.2012

Երեւան/Մեդիամաքս/. ԱրմենՏել-ը (ապրանքանիշը Beeline) պարգևատրել է Հայրենական Մեծ Պատերազմում և Արցախում տարած հայ զինվորների հաղթանակներին նվիրված «Մեր հաղթանակների պատմությունները» խորագրով  մրցույթի հաղթողին, որն անց է կացվել ընկերության Facebook-ի էջում:

Մրցույթում հաղթող է ճանաչվել երևանցի Շողիկ Վարդանյանը, ով շահել է Samsung GT-P6200 պլանշետային համակարգիչ: «Մենք սրբորեն ծառայել ենք մեր Հայրենիքին. Զինվորի և ուսուցչի պատմություն» վերնագրով հաղթած աշխատանքը նվիրված է Հայրենական Մեծ Պատերազմի վետերան, աշխատանքի վետերան  և վաստակավոր մանկավարժ 92-ամյա Մակիչ Դալլաքյանին:

Հայրենական Մեծ պատերազմի 2-րդ աստիճանի շքանշանի ասպետ Մակիչ Դալլաքյանը կռվել է մինչև 1944 թ, իսկ երբ հատուկ հրամանով զորացրվել են բոլոր մանկավարժները, մշտական բնակություն է հաստատել Երևանում: Նա նշանակվել է մայրաքաղաքի թ.34 միջնակարգ դպրոցի տնօրեն, որտեղ աշխատել է 30 տարի:

Հաղթողի պարգևատրման արարողությունը տեղի ունեցավ Հյուսիսային պողոտայում գտնվող Beeline գրասենյակում:

Մրցույթի նպատակն էր բարձրացնել հայ երիտասարդ սերնդի իրազեկվածությունը, ծանոթացնել նրանց հայ ժողովրդի պատմության փառապանծ էջերին, Հայրենական Մեծ Պատերազմում և Արցախում հայ զինվորների տարած հաղթանակներին:

Վերադառնալ Դիտումների քանակը՝ (1050)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք