ՀԱՅ  |  РУС  |  ENG
Նորություններ
Դիջիթեք բիզնես ֆորումում կքննարկվի նորարարությունների կառավարման մասով պետական մարմին ստեղծելու հարցը

Photo: PanArmenian Photo
//23.05.2012

Երեւան/Մեդիամաքս/. Հունիսի 15-16-ին Արմենիա Մարիոթ հյուրանոցում անցկացվելիք Դիջիթեք բիզնես ֆորումի ընթացքում կքննարկվի նաեւ նորարարությունների կառավարման եւ մոդեռնիզացիայի մասով պետական մարմնի ստեղծման հարցը:

Այս մասին այսօր հայտարարել է Ինֆորմացիոն տեխնոլոգիաների ձեռնարկությունների միության (ԻՏՁՄ) գործադիր տնօրեն Կարեն Վարդանյանը` նշելով, որ կյանքի դրական փոփոխություն ապահովող ՏՏ ոլորտը պետք է պլանաչափ կառավարման ենթարկվի:

Նա տեղեկացրել է, որ ֆորումը բաղկացած կլինի մի շարք միջոցառումներից` տեխնոլոգիաների ներդրման խնդիրներին նվիրված կոնֆերանսից, տեխնոլոգիական սեմինարների շարքից, “Digiteq Business” ցուցահանդեսից, որին կմասնակցեն մոտ 40 տեղական եւ միջազգային ընկերություններ:

“Ֆորումի 2-րդ օրը քննարկումների հարթակը կտրամադրվի բլոգերներին, ովքեր հատուկ մրցանակ կշնորհեն ամենավատ անցկացված տենդերի համար”,- ասել է Կարեն Վարդանյանը:

Ֆորումի գլխավոր գործընկեր Արմենթել ընկերության գլխավոր տնօրեն Իգոր Կլիմկոն ասել է, որ տարեցտարի ֆորումում գրանցվում է ընկերությունների եւ նրանց առաջարկած լուծումների քանակական եւ որակական աճ:

“Այս տարի Արմենթել-ը ֆորումի ընթացքում կներկայացնի ծառայությունների փաթեթ կորպորատիվ բաժանորդների համար: Մասնավորապես, “Վիրտուալ մասնավոր ցանցի” ծառայությունը, որի միջոցով տարբեր տարածքներում բաշխված գրասենյակները համախմբվում են միասնական կորպորատիվ մասնավոր ցանցում”,- նշել է նա:

Ֆորումի անցկացմանն այս տարի աջակցելու է նաեւ ԱՄՆ Միջազգային զարգացման գործակալությունը՝ Ձեռնարկությունների զարգացման եւ շուկայի մրցունակության ծրագրի միջոցով: Ծրագրի արժեքի շղթայի բաղադրիչի ղեկավար Զդրավկո Շամին ասել է, որ իրենց նպատակն է աջակցել հայկական շուկայի պրոդուկտների մրցունակության բարձրացմանը:

Վերադառնալ Դիտումների քանակը՝ (1032)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք