ՀԱՅ  |  РУС  |  ENG
Նորություններ
Հայաստանի բջջային օպերատորների վճարած հարկերը նվազել են 21%-ով

//10.05.2012

Երեւան/Մեդիամաքս/. 2012թ. I եռամսյակում Հայաստանի 3 բջջային օպերատորները 5,418 մլրդ դրամի հարկ են վճարել, ինչը 1.445 մլրդ-ով կամ 21%-ով պակաս է 2011թ. նույն ցուցանիշից: 

Ղ-Տելեկոմ ընկերությունը (VivaCell-MTS ապրանքանիշ) 4-րդ տեղն է զբաղեցրել 100 խոշորագույն  հարկատուների ցանկում  վճարված հարկերի ծավալով: Ընկերության կողմից 2012-ի I եռամսյակում վճարված ընդհանուր ծավալը 2 մլրդ 736 մլն 498,5 հազ. դրամ է կազմել:

8-րդ տեղում է Արմենտել-ը (Beeline ապրանքանիշ), որը վճարել է 2 մլրդ 47 մլն 931,8 հազ. դրամի հարկ:

28-րդ տեղը զբաղեցրել է Օրանժ Արմենիա-ն, որը 634 մլն դրամի հարկեր է վճարել:

Ընդ որում, 2011թ. I եռամսյակի հետ համեմատ վճարված հարկերը նվազել են ԱրմենՏել-ի եւ Օրանժ Արմենիայի մոտ (համապատասխանաբար՝ 35%-ով եւ 50%-ով), մինչդեռ ՎիվաՍել-ՄՏՍ-ի կողմից վճարված հարկերն I եռամսյակում աճել են 12%-ով:

Վերադառնալ Դիտումների քանակը՝ (984)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք