ՀԱՅ  |  РУС  |  ENG
Նորություններ
Օրանժ Արմենիա-ն գործարկել է ընտանեկան սակագնային փաթեթ՝ 3 SIM քարտով

Օրանժ Արմենիա-ի գլխավոր տնօրեն Բրունո Դյութուան
Photo: PanArmenian Photo
Օրանժ Արմենիա-ի գլխավոր տնօրեն Բրունո Դյութուան
//08.05.2012

Երեւան/Մեդիամաքս/. Օրանժ Արմենիա-ն գործարկել է Օրանժ Ընտանիք նոր կանխավճարային փաթեթը, որը ներառում է միանգամից 3 SIM քարտ:

Փաթեթից օգտվողները, օրեկան 20 դրամ վճարելով, կխոսեն իրար հետ անսահմանափակ տեւողությամբ 0 դրամ/րոպե սակագնով:

Ընդ որում փաթեթի մասնակիցները կարող են առանձին ընտրել իրենց համար հարմար սակագնային պլան, ասել է այսօր Օրանժ Արմենիա-ի մարքեթինգի գծով տնօրեն Արամ Մկրտչանը:

Ըստ նրա, Օրանժ Ընտանիքին կարող է միանալ Օրանժի եւս մեկ գործող կանխավճարային բաժանորդ:

Այսպիսով՝ ամսական 600-ական դրամ վճարելով, փաթեթից օգտվողները կստանան իրար հետ անսահմանափակ խոսելու հնարավորություն: Փաթեթի արժեքն է 1500 դրամ:

«Մինչ այժմ մենք առաջարկել ենք սակագնային պլաններ՝ հիմնված բաժանորդների առանձին սեգմենտների կարիքների վրա, իսկ հիմա մենք մեր առաջարկների ցանկին ավելացնում ենք ամբողջական լուծում ընտանիքների համար»,- նշել է Օրանժ Արմենիա-ի գլխավոր տնօրեն Բրունո Դյութուան:

Վերադառնալ Դիտումների քանակը՝ (1145)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք