ՀԱՅ  |  РУС  |  ENG
Նորություններ
AREAL գծային արագացուցիչը նախատեսվում է գործարկել հաջորդ տարվա ընթացքում

Photo: ՀՀ վարչապետի մամլո գրասենյակ
//27.04.2012

Երեւան: Մեդիամաքս: Այսօր վարչապետ Տիգրան Սարգսյանի գլխավորությամբ տեղի է ունեցել «Քենդլ»  նախագծի համակարգող խորհրդի նիստը:

Նիստում ներկայացվել է «Քենդլ» նախագծի առաջընթացի ուղղությամբ կատարված աշխատանքների, նախագծի առաջին փուլի՝ AREAL գծային արագացուցչի կառուցման աշխատանքների ընթացքի մասին: Արդեն ստացվել են 1,5 մլն եվրոյի սարքավորումներ, եւս 1 միլիոն եվրոյի սարքավորումներ կստացվեն առաջիկայում:

AREAL գծային արագացուցիչը նախատեսվում է գործարկել հաջորդ տարվա ընթացքում: Այն հնարավորություն կտա ստանալ փոքր էմիտանսով էլեկտրոնային փնջի գերկարճ իմպուլսներ, ինչը ժամանակակից փնջերի ֆիզիկայի եւ արագացուցչային տեխնիկայի հեռանկարային բնագավառներից է եւ գերակա ուղղություն է աշխարհի առաջատար կենտրոնների համար:

AREAL գծային արագացուցիչը կարեւոր գիտական եւ կիրառական նշանակություն կունենա ֆիզիկայի, կենսաբանության, քիմիայի եւ նյութագիտության բնագավառների առաջատար փորձարարական հետազոտությունների համար:

Նախագիծն իրականացվում է Գերմանական DESY, շվեյցարական PSI, Սթեմֆորդի SLAG կենտրոնների եւ Նովոսիբիրսկի Միջուկային ֆիզիկայի ինստիտուտի հետ համագործակցությամբ:

Վերադառնալ Դիտումների քանակը՝ (660)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք