ՀԱՅ  |  РУС  |  ENG
Նորություններ
ԱրմենՏել-ը բացել է Կապի թանգարանը

//27.04.2012

Երեւան/Մեդիամաքս/. Այսօր Երեւանում`Ազատության պողոտա 24/1 հասցեում, ԱրմենՏել ընկերությունը (ապրանքանիշը Beeline) բացել է Հայաստանում կապի առաջին թանգարանը:

Թանգարանի բացմանը ներկա էին ՎիմեպելԿոմ ընկերության ԱՊՀ երկրներում բիզնեսի զարգացման գծով փոխնախագահ Դմիտրի Կրոմսկին, ԱրմենՏել-ի գլխավոր տնօրեն Իգոր Կլիմկոն, ՀՀ տրանսպորտի եւ կապի նախարարի տեղակալ Անդրանիկ Ալեքսանյանը:

Կապի թանգարանում ներկայացված են հեռախոսային կապի եւ ԱրմենՏել ընկերության զարգացման պատմության մասին նյութեր, ներդրված կապի ժամանակակից տեխնոլոգիաների ցուցանմուշներ:

«Այս թանգարանը հիմնադրվել է պատմական ժառանգությունը պահպանելու եւ հեռահաղորդակցության զարգացման պատմությանը ծանոթանալու նպատակով: Մեր ընկերությունն իր պարտքն է համարում պահպանել եւ հաջորդ սերունդներին փոխանցել մեր երկրի, մեր ընկերության եւ մեր հերոս կապավորների մասին պատմությունը», - ասել է Իգոր Կլիմկոն:

Դմիտրի Կրոմսկին էլ նշել է, որ «այս պատմության էջերը մենք կհամալրենք նոր հաջողություններով ու ձեռքբերումներով»:

Կապի թանգարանը բաց է բոլոր ցանկացողների համար: Մոտ ապագայում ԱրմենՏել-ը ծրագրում է թանգարանին կից բացել նաեւ թեմատիկ գրադարան,  անվճար այցելություններ կազմակերպել դպրոցականների եւ ուսանողների համար:

Վերադառնալ Դիտումների քանակը՝ (1140)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք