ՀԱՅ  |  РУС  |  ENG
Նորություններ
Գյումրու տեխնոպարկում D-LINK-ը կստեղծի հետազոտական եւ թեստավորման կենտրոն

Photo: http://dlink-ukraine.blogspot.com
//26.04.2012

Երեւան: Մեդիամաքս: ՀՀ էկոնոմիկայի նախարարի խորհրդական Վահե Դանիելյանն այսօր ասել է, որ Գյումրու տեխնոպարկի հիմնական շենքի վերակառուցման աշխատանքները կավարտվեն 18 ամսից:

Վահե Դանիելյանի խոսքով, վերակառուցվելու է շուրջ 6 300 քմ տարածք, որից  5500 քմ տարածքը ծառայելու է որպես ժամանակակից տեխնոլոգիական տարածք, իսկ մնացածը՝ սպասարկման մասնաշենքեր:

«Վերակառուցման աշխատանքների ավարտից հետո կունենանք ժամանակակից տեխնոլոգիական ենթակառուցվածքով կենտրոն, որը կահավորված կլինի ինկուբացիոն տարածքով, միաժամանակ մոտ 20 ընկերությունների ինկուբացիա իրականացնելու հնարավորությամբ, լաբարատոր մասնաշենքերով եւ ուսումնական կենտրոնով», - ասել է նա:

Ծրագրի արժեքը կազմում է 1 մլրդ 677 մլն դրամ:

Կառավարությունը հաստատել է նաեւ D-LINK ընկերության հետ համագործակցության հուշագիր ստորագրելու նախագիծը:  

Վահե Դանիելյանը տեղեկացրել է, որ Գյումրու տեխնոպարկի շրջանակներում D-LINK ընկերությունը կստեղծի առանձին տեխնոլոգիական ցանցային եւ հեռահաղորդակցության հետազոտական եւ թեստավորման կենտրոն:

Նախատեսվում է, որ կենտրոնը կգործի 2013թ. հունիսին: Այս ծրագրի արժեքն է 8,5 մլն դոլար, որից 1 մլն կտրամադրվի հետազոտական եւ թեստավորման լաբորատորիայի ստեղծմանը:

Վերադառնալ Դիտումների քանակը՝ (1218)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք