ՀԱՅ  |  РУС  |  ENG
Նորություններ
ԱրմենՏել-ը կշարունակի օգնել հատուկ կարիքներով երեխաներին

//26.04.2012

Երեւան/Մեդիամաքս/. ԱրմենՏել-ը (ապրանքանիշը Beeline) եւ «Philatelpia» հասարակական կազմակերպությունը կշարունակեն համագործակցությունը նպատակ ունենալով նպաստել հատուկ կարիքներով երեխաների խնդիրների լուծմանը:

ԱրմենՏել-ի աջակցության շնորհիվ «Philatelpia» հասարակական կազմակերպությունն արդեն երրորդ տարին է, ինչ  իրականացնում է ծրագրեր, որոնք ուղղված են հատուկ կարիքներով երեխաների խնդիրների վերաբերյալ բնակչության իրազեկության բարձրացմանը, ինչպես նաեւ ցուցաբերում է սոցիալական եւ հոգեբանական օժանդակություն կենտրոն հաճախող երեխաների ծնողներին` իրականացնելով մի շարք գործնական ծրագրերի աջակցություն, հայտնել են ընկերությունում:

Մասնավորապես իրականցվել են որակավորման բարձրացմանն ուղղված դասընթացներ, ինչպես նաեւ համակարգչային ուսուցման դասընթացներ հատուկ կարիքներով երեխաների համար:

«Զարգացած երկրներում ժամանակակից տեխնոլոգիաներն օգնում են հազարավոր նման երեխաների զգալ իրենց հասարակության լիիրավ անդամ: Հայաստանում  ԱրմենՏել  ընկերությունը պատրաստ է կիրառել այս փորձն` ուղղորդելով ժամանակակից տեխնոլոգիաների հնարավորությունները երեխաների կարիքները հոգալու համար», -նշել է ընկերության հասարակայնության հետ կապերի ծառայության ղեկավար Անուշ Բեղլոյանը:

«Philatelpia» հասարակական կազմակերպության տնօրեն Հովիկ Իսրայելյանը նշել է, որ վերջին երեք տարիների ընթացքում ԱրմենՏել-ի հետ համագործակցության շնորհիվ կազմակերպությունն ընդլայնել իր գործունեության շրջանակներն ինչպես մայրաքաղաքում այնպես էլ Հայաստանի տարբեր շրջաններում:

Վերադառնալ Դիտումների քանակը՝ (886)
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Itel.am-ի նյութերին մշտապես տեղյակ լինելու համար սեղմեք